Arooma 6:13 - Hapari Zooshapweya

¹³ Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Arooma 6:13 Referans Kwoze

Arooma 12:1

Nakataalikha, attwiizaku, kinuuvekelani khwa tthakaraka ya Nluku yoori mwinkhe mwiili enu nkhama twaha haayi, ttakatthiifu na yontuvela Nluku; eto ti aputu yenu mweeyo yoolikana.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

Arooma 7:5

Maana wakathi opule naari weettettisiwaaye pi vitthu za onaatamu eetthu, khwa tuvela za twampi zithoonyeziweeyo ti kano zaari okhola khaazi nkatthi wa mwiili eetthu, khwa nanna naari wiimaazo mishumo za onilawana muufwa.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

1 Akorintiyu 6:20

Mweeyo moozanyiwa khwa hisapu khuluyeene; apho mwinttitthimise Nluku na mwiili enu.

1 Yaahaya 1:9

ila amana nitukhuru twampi zeetthu, Nluku tu wawaamineya na wa shariya, ontta oniswaamihi twampi zeetthu na aswafi zooshi zohiiyi za shariya.

1 Akorintiyu 6:15

Mweeyo khamwinjuwa yoori mwiili enu phantte ya Al-Masiihu? Miiyo kinthuula mwiili wa Al-Masiihu khukusanyana amalempe? Khinretteya!

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

Afiliipu 1:20

Kineekesela wa phoolevo kiwejelaka yoori khinteela okipattha haaya khwa hatha etthu. Olikha toowo khwa ominyala waka wooshi, nasaapi mpakha mileele, Al-Masiihu onteela ottitthimisiwa khwa mwiili aka, hatha khwa ohaayi, hatha khwa ofwa.

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

Arooma 6:19

Kinttakhula nkhama pinaatamu mwaasa wa otteettheya weenu wa onaatamu. Nkhama etthiipo mwenkheleliyeeyo phantte za mwiili enu sawasawa mmakhono wa zoohifwayi na zootakhala zintanaaye zootakhala. Apho enasaapi eti mwinkhelele phantte za mwiili enu mwijirette wiiya aviitthwaana a shariya onuuttakatthisaanini.

2 Akorintiyu 10:4

Zaana ninrumeyelaaye nuumanaka khahiyo za onaatamu, olikha toowo, pi za owahi khwa Nluku yoori epwechele korofwa zoolipalipa.

Arooma 6:11

Khwa nanna etthiipo, mwijoone mwifwiiye khwa twampi, ila mwiri haayi khwa Nluku, nkatthi wa Yinsa Al-Masiihu.

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

2 Akorintiyu 8:5

Na yo khaarettiye etile fweeyo naari weekeselaaye paasi, ila aajinkhiye omwanzo ennyewe mmakhono wa Mbwana nawiisha khwa fweeyo na matakhelo a Nluku.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

Arooma 7:23

ila kinoona khwa phantte za mwiili aka, kano kiina enuumananaaye kano eriiye nkatthi wa akhili zaka, enikiretta onapherezu wa kano za twampi ziriiye phantte za mwiili aka.

Luuka 15:32

Ila yaari ohithajiya oretta njampo la furaha, mwaasa yoori ttwiiyo aafwiiye apha ori haayi, aashikhiye apha apattikhana.’ ”

Tiyaaku 4:1

Ohisiilani na onyakulisana vakatthi venu onlankha vayi? Khahi mwaasa wa tuvela zinuumanaaye nkatthi mweenu?

Arooma 1:29

Yo ajiretta wiiya awiitaala nasipu zooshi zohiiyi za shariya, zootakhala, omaashokopho na ottettekha. Pi awaatta nrima, husuti za wuula, ohitakhani, ohata na vitthu zootakhala. Amwanomwaano,

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Luuka 15:24

Mwaasa yoori mwanaka otu aafwiiye, apha ori haayi; aashikhiye, apha apattikhana.’ Khwaaziwa njampo.

2 Atizaloonika 2:12

na eeye oophukiwa ooshi apale ahikhupaleleeni haakhi, ila aariina tuvela zohiiyi za shariya.

2 Akorintiyu 5:14

Maana pheta ya Al-Masiihu ennijekelela, na ninkhupalela yoori ntthu mmote paasi awaafwela atthu ooshi, khwa etthiipo, atthu ooshi afwa.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.