Arooma 6:12 - Hapari Zooshapweya

¹² Nakataalikha mwihilikhelele twampi orutela oshintta mwiili enu onfwaaye, zuurettisakani oshututela tuvela zenu.

Arooma 6:12 Referans Kwoze

Akaalata 5:16

Ila kinlupa yoori mwiikhale nkatthi wa Rooho ya Nluku, toowo khamwinlawa otuvelisa tuvela zoonaatamu.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

2 Akorintiyu 4:11

Khwa etthiipo fweeyo niriiye haayi, wakhula wakathi nineekesela ofwa mwaasa wa Yinsa, yoori ohaayi awe othoonyezeye khwa mwiili etthu onfwaaye.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

Tiitu 2:12

Rehema enninozela olikha okaafiri na tuvela za olumwenku, khwaaza wiikhala meekhazi oojiitthaaza, a shariya na waamineya khwa Nluku wakathi otthuupu,

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

Yuuda 1:18

Yo awuuzani mweeyo yoori: “Siikhu ya mwiisho anteela opuwa anamattukhana anttelaaye olottela tuvela zaya za okaafiri.”

1 Pheeturu 1:14

Nkhama aana oshututi, mwihijilipisane tuvela zootakhala za raku, za wakathi opule mwaari wiikhalaaye woohijaliwi.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

1 Atizaloonika 4:5

Mwihijilikhelele mwishinttiwaka pi tuvela zootakhala, nkhama amalapo ahininjuwaaye Nluku.

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Arooma 6:14

Maana twampi khinteela wuushinttani theenya mweeyo, mwaasa mweeyo khamwiri vathi wa kano, ila vathi wa rehema.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Yuuda 1:16

Atthu aya apo aniikhala ajilizaka, anamwiphiiriwa na nasipu yaya, anlottela tuvela zaya zoohifwayi, oojikhupali, aniwaattettekha azaaya khwa tuvela zaya.

2 Akorintiyu 5:4

Amana niikhalaka nyuupa ethiiti, wiiyiyeeyo mwiili eetthu, ninsisimira woovelavelavo. Khahiyo yoori nintakha wiiya wootaphuliwa mwiili eetthu wa enaatamu, ila nintakha yoori nipwekherele mwiili wa pinkuuni yoori ohaayi orette etile enfwaaye wiiya ya waashikha.

Mwanzo 4:7

Amana weeyo oretta saana, khunkhupaleliwa? Ila amana weeyo ohiretti saana, ojuwe yoori twampi eri vanlako, entta wuuwejela yoori ewiirukhele yuushintte. Weeyo enuuhithajiya oshintta twampi yaya eto.”