Arooma 5:21 - Hapari Zooshapweya

²¹ Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 5:21 Referans Kwoze

Tiitu 2:11

Maana rehema ya Nluku yajithoonyeza wuusuru khwa anaatamu ooshi.

Arooma 5:14

Maana ofwa weeyavo thanku wakathi wa Adamu mpakha wa Munsa, hatha apale ahiretteeni twampi zoolattanana koosa za Adamu, othuuto aari nkhama otule aari weettelaaye ota.

Arooma 8:10

Ila, nkhama Al-Masiihu ori vamote na-mweeyo, mwiili wafwa mwaasa wa twampi, Rooho eri haayi mwaasa wa shariya.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 6:14

Maana twampi khinteela wuushinttani theenya mweeyo, mwaasa mweeyo khamwiri vathi wa kano, ila vathi wa rehema.

Arooma 5:12

Nakataalikha, twampi yata voolumwenku khwa ntthu mmote, na twampi khutiisa ofwa, khwa etthiipo ofwa wawaateela atthu ooshi maana ooshi akosa;

Arooma 5:17

Mwaasa wa ovonya wa ntthu mmote paasi, ofwa weeyavo, atepa apale apokhereliyeeyo wa waattavo rehema na tthuvo ya shariya anteela wiiyana ohaayi wa ntthu mmote paasi Yinsa Al-Masiihu.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

1 Yaahaya 2:25

Eti ahiti ye aniretteliyeeyo, ohaayi wa mileele.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Meepereewu 4:16

Apho naattame khukulu ya rehema na nroromelo wooshi, yoori nipwekhere tthakaraka na napatthe rehema ya onaawuni wakathi woohithajiya.

Arooma 4:13

Khahi mwaasa wa kano Eburahiima ama peewu yawe apattheliyeeyo wiiya namarithi olumwenku, ila maana ye ankhupaliye Nluku na aakhupaliwe ti ye.

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Arooma 6:12

Nakataalikha mwihilikhelele twampi orutela oshintta mwiili enu onfwaaye, zuurettisakani oshututela tuvela zenu.

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.