Arooma 5:17 - Hapari Zooshapweya

¹⁷ Mwaasa wa ovonya wa ntthu mmote paasi, ofwa weeyavo, atepa apale apokhereliyeeyo wa waattavo rehema na tthuvo ya shariya anteela wiiyana ohaayi wa ntthu mmote paasi Yinsa Al-Masiihu.

Arooma 5:17 Referans Kwoze

Arooma 5:12

Nakataalikha, twampi yata voolumwenku khwa ntthu mmote, na twampi khutiisa ofwa, khwa etthiipo ofwa wawaateela atthu ooshi maana ooshi akosa;

1 Akorintiyu 15:49

Nkhama etthiipo niriina ratarato ya pinaatamu wa vathi apha, ninteela wiiyana theenya ratarato ya pinaatamu wa pinkuuni.

Yaahaya 10:10

Nantarawu onteela wiiya, wuula na otapanya. Miiyo kata yoori mwiiyane ohaayi wa waatta na woolikana.

2 Timootiyu 2:12

amana nivilela, ninteela wiiya afwalume vamote na ye; amana ninkhana, na ye onteela onikhana;

Othoonyeziwa 22:5

Khunteela wiiyavo theenya osikhu, khanlawa otakha yo nuuru ya khantteya, wala nuuru ya njuwa, maana Mbwana Nluku onttela waara khwa yo, na yo anttela olokozela khwa mileele.

Mwanzo 3:6

Muukha khoona yoori muutthi opule waari wooshapweya, mishumo zaya zaari zooshapweyela oja na zaarina fwayita yoojuwisa. Attaapho, khushuma khuja, khumwinkha mannawe, na ye khuja.

Othoonyeziwa 20:6

Ooparikhiyiwa na attakatthiifu pi apale ariina phantte ya osisimuwa wa mwanzo! Ofwa wa phiiri khuna owahi khwa yo; anttela wiiya anamalokozela a tiini ya Nluku na a Al-Masiihu, anttela olokozela vamote na ye khwa nyaakha alufu.

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

Othoonyeziwa 1:6

khuniretta ofwalume na onamalokozela wa tiini yoori ninrumeyele Nluku awe na Paapa. Attitthimisiwe na owahi wiiye wawe khwa mileele! Amiina.

1 Akorintiyu 4:8

Mweeyo mwinaaye zooshi mwintakhaaye! Mwaamathaajiri! Mwafiyelela wiiya afwalume woohiiyi khwa fweeyo, nkhama etthiipo miiyo yaari okituvelaaye yoori mweeyo wekhweele mwiiye afwalume, yoori nafweyo niiyane yenzi vamote na mweeyo!

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 5:20

Kano zaateeliye weekezela ovonya. Ila, vahali eniitaalaavo twampi, rehema ya Nluku eniittikhela attaapho.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Mwanzo 3:19

Okholaka khaazi yoovujuwela yoori opatthe etthu yoojiwa yawo mansha awo ooshi. Maana weeyo wompaniwa ottophe, noofwa mpakha orutele vottophe.”

Arooma 8:39

wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.

Mwanzo 2:17

Ila muutthi opo woojuwisa yooshapweya na yootakhala ohije; siikhu onttelaaye oja satakithu ontta ofwa.”

Arooma 5:15

Nakataalikha khawiivo olattisa tthuvo na ovonya. Maana khwa ovonya wa ntthu mmote paasi afwa atthu awaatta, ila yatepa rehema ya Nluku, eto tthuvo khwa rehema ya ntthu mmote paasi, Yinsa Al-Masiihu yawaafiyela atthu awaatta!

Arooma 6:14

Maana twampi khinteela wuushinttani theenya mweeyo, mwaasa mweeyo khamwiri vathi wa kano, ila vathi wa rehema.