Arooma 4:17 - Hapari Zooshapweya

¹⁷ Nkhama yaatikhiweezo yoori: “Miiyo kooretta wiiya paapa wa khapila zawaatta.” Ye ti papeetthu omaasho wa Nluku, othuuto ankhupaliyeeyo, Nluku aniwinkhaaye ohaayi ananfwa na anrettisaaye vitthu zoohiivo nkhama za wiiyavo.

Arooma 4:17 Referans Kwoze

1 Akorintiyu 1:28

Ye athawula etile va olumwenku yoohiina maana, yootarawiwa na yohiiyi etthu, yoori evukule etile yiiyiyeeyo etthu,

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

1 Pheeturu 2:10

Raku mweeyo hatha vattitthiiru khamwaari atthu awe, ila aphano mwa atthu a Nluku; mwaari mwihinapwekherele tthakaraka, ila aphano mwapwekherela.

Yaahaya 6:63

Rooho ya Nluku eninkha ohaayi, ila mwiili khuna fwayita. Mattakhuzi apa kiwuuziyeenini pi a rooho na ohaayi.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Yaahaya 5:25

Miiyo kiniwuuzani khweele yoori, ontta ofiya wakathi, na wafiya, ananfwa anttelaaye osiila huula ya Mwaana wa Nluku na otule anttelaaye osiila oniiya haayi.

Meepereewu 11:12

Tiito khwa ntthu mmote paasi wawuuluvala khwiishavo wapuwa ojama yawaatta channu nkhama matthottowa ootulu na yawaatta channu nkhama mishaka za mmattima.

Arooma 3:29

Niri Nluku, Nluku wa mayaahuuti paasi? Ye khahiyo Nluku theenya wa amalapo? Aaa theenya ti wa amalapo,

2 Pheeturu 3:8

Aphetani aka, mwihisahawu epo zaya: khwa Mbwana siikhu moote eri nkhama nyaakha alufu. Na nyaakha alufu eri nkhama siikhu moote.

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

1 Timootiyu 6:13

Aphano, mmakhono wa Nluku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Ponsiyu Pilaatu, miiyo kinuuruma weeyo,

Mwanzo 17:16

Kinteela omparikhiya na kimwinkhe mwaana wawo; khweele, miiyo kinimparikhiya na onteela wiiya maama wa khapila za waatta, afwalume anteela opuwa khwa ye.”

Arooma 9:26

“zinteela onrettikhana yoori puuro ethiito muuziweeyo yoori: ‘Mweeyo khahi atthu aka’, yo anteela wiitthiwa yoori ‘aana a Nluku wa ohaayi.’ ”

Mwanzo 28:3

Nluku Nwahi zooshi ooparikhiye, mwivokolelane na ojama enu waattelane, yoori khwa weeyo epuwe khapila zawaatta.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

Arooma 4:2

Nkhama khweele Eburahiima ahakikhiwe mwaasa wa khaazi zawe, ye ona ya ojittitthimisa, ila woohiiyi omaasho wa Nluku.

Khaazi 15:18

otule alaleyiyeeyo vitthu zaya epi thanku asulani.’

Matewuzhu 3:9

Khahiyo olupa yoori: ‘Eburahiima ti papeetthu,’ ila miiyo kiniwuuzani yoori, khwa liwe ntthi Nluku onwahi owaattala aana a Eburahiima.

Mwanzo 17:20

Kasiila oveka wawo khwa Esumayila. Kinteela omparikhiya na kinteela omwinkha ojama wa waatta. Ye onteela wiiya paapa wa Afwalume khumi na awiri, khwa ye enteela opuwa theenya khapila ya waatta.

Arooma 4:18

Eburahiima, woohiivo hatha nroromelo, khwa amini khwiiyana nroromelo, khuretteya etthiipo wiiya paapa wa khapila zawaatta, nkhama yaalupiweeyo monkoni wa ye yoori: “Ojama yawo enteela wiiya etthiipo.”

Arooma 9:11

Yoori matakhelo a Nluku eeye nkhama othawula woohiishi woohiiyi khwa khaazi, ila khwa otule ankhuwaaye; nakataalikha, khapulathi amaphapo ahinavokoliwe ama ahinarette hatha etthu yooshapweya ama yootakhala,

Meepereewu 11:3

Khwa amini, yaneeleya yoori olumwenku wompiwa khwa nttakhuzi la Nluku, khwa etthiipo epile ninoonaaye khazaattaliweeni pi epile zinooneyaaye.