Arooma 4:11 - Hapari Zooshapweya

¹¹ Etthiipo ye apwekherela okhiriya nkhama alama na nkhama ephariselo ya shariya aariinaaye khwa amini, wakathi nalelo aari ahinakhiriye. Nakataalikha, ye ti paapa wa ooshi apale ankhupalaaye, hatha nkhama khakhiriyeeni, yoori shariya yiiye okhupaleliwa theenya pi yo.

Arooma 4:11 Referans Kwoze

Arooma 3:22

shariya ya Nluku khwa amini ya Yinsa Al-Masiihu khwa apale ooshi aninkhupalaaye. Khawiivo ofwarikhana,

Luuka 19:9

Aphano Yinsa khulupa yoori: “Leelo vaje apha yafiyavo nusura maana otu naye ojama ya Eburahiima.

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

2 Akorintiyu 1:22

Othuuto theenya anipharisa na alama ya Rooho Ttakatthiifu nroho mweetthu.

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

Ayeefezu 4:30

Mwihiphirise Rooho Ttakatthiifu ya Nluku, ethiito mwimatthaniweeyo enlawaaye mpakha siikhu ya wookhowa weenu.

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

Akaalata 6:16

Heeri na tthakaraka ti yiiye na apale aneettettelaaye mwentto otthuupo, theenya khwa Ezirayiilu ya Nluku.

Akaalata 5:5

Maana fweeyo khwa Rooho ya Nluku ninwejela khwa nroromelo, shariya enlankhaaye nkatthi wa amini.

Akaalata 3:29

Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

Akaalata 3:22

Ila Zawaatikhiwa Ttakatthiifu zinlupa yoori olumwenku wooshi pi wooshinttiwa ti twampi, eto ti yoori atthu apale ankhupalelaaye apwekherela tthuvo Nluku ahitiyeeyo khwa apale ariina amini khwa Yinsa Al-Masiihu.

Akaalata 3:7

Nakataalikha mwijuwe yoori ooshi apale ariina amini aana a Eburahiima.

Arooma 10:11

Nkhama etthiipo enlupaazo Zawaatikhiwa Ttakatthiifu yoori: “Wakhula otule aninkhupalaaye ye khinteela ompattha haaya theenya.”

Arooma 10:6

Ila shariya entaaye khwa amini enlupa yoori: “Ohilupe nroho mwawo yoori: ‘Paani anttelaaye owela pinkuuni?’ ” Eto, enimwiishusha Yinsa,

Arooma 10:4

Maana mwiisho wa kano ti Al-Masiihu, yoori ahakikhiwe wooshi otule aninkhupalaaye.

Yaahaya 6:35

Aphano Yinsa khulupa yoori: “Miiyo ki phaawu ya ohaayi. Otule anikiteelaaye miiyo khinteela onkhola theenya jala na otule anikikhupalaaye miiyo khalinteela onkhola theenya nnyottha.

Othoonyeziwa 9:4

Yo khurumiwa yoori ahiharipu hatha nyaani za tuniya wala mathapa, wala muutthi mmote, alaputa atthu apale ohiina alama ya Nluku vaajihi.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Arooma 9:30

Apho nilupe niini? Amalapo ahaariweekesaaye okhupaliwa, apattha okhupaliwa nkatthi wa amini;

Arooma 9:6

Nihuupuwele yoori nttakhuzi la Nluku tthi loovonyeya. Olikha toowo, khahiyo ojama yooshi ya Ezirayiilu eeyiyeeyo meezirayiilu.

Arooma 3:26

ila nasaapi eti, aretta epo yoori athoonyeze shariya yawe, mwaasa wa wiiya nashariya na namahakikhi wa apale ariina amini khwa Yinsa.

Yaahaya 8:33

Yo khunjipu yoori: “Fweeyo na ojama wa Eburahiima wala khanineeyeke amwiitthwaana a ntthu nkina. Weeyo onlupa toovi yoori ninttela wiiya wootaphuliwa?”

Yaahaya 6:47

Miiyo kiniwuuzani khweele yoori, otule anikikhupalaaye onaaye ohaayi wa mileele.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Matewuzhu 8:11

Miiyo kiniwuuzani, atthu enkeene a khipula na okhu lintthamuwaawo njuwa, anttela wiikhala va meeza na Eburahiima, Esiyaakha, Yaakhumpa muufwalume wa pinkuuni.

Olaawo 12:13

Taamu mwivaziyeeyo milako zenu enttela wiiya alama yoori ethoonyeze manyupa mwiniikhalaaye, amana kiwaavulalisaka amisuri, miiyo kinttela woona taamu kisala kuuvikanani wooheemeli yoori mwihiiye wootapanyiwa ti pala yaya eto.

Arooma 9:33

Nkhama etthiipo yaatikhiweezo yoori: “Moone yoori kinttha khwa Siyoni liwe limote lookwakwanttula na liwe limote linkwisaaye, na otule ankhupalaaye khinteela ompattha haaya theenya.”

Mwanzo 17:24

Wakathi aakhiriyaziyeevo, Eburahiima aarettiye arina nyaakha tiisiini na tiisiya,

Zaapuura 47:9

Attunkhulu a atthu a vathi apha anthukumana vamote na atthu a Nluku wa Eburahiima, maana owahi wooshi wa vathi apha pu wa Nluku; ye onshintta vitthu zooshi.

Yaahaya 3:33

Otule ankhupalelaaye oshaahiti awe onhakikhi yoori Nluku haakhi.

Arooma 3:30

maana Nluku mmote paasi, othuuto anttelaaye owaahakikhi khwa amini apale ookhiriya na apale oohikhiriyi.

Arooma 4:10

Zarettikhana lini? Raku ama paata ya okhiriya? Khazirettikhaneeni paata ya okhiriya, ila ahina khiriye!