Arooma 3:25 - Hapari Zooshapweya

²⁵ Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;

Arooma 3:25 Referans Kwoze

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

Arooma 5:9

Nkhama apha nihakikhiweeyo khwa taamu yawe, natepa theenya khwa ye ninteela wuusurukha khwa katapu ya Nluku!

Khaazi 17:30

Raku, Nluku khazaari onjali vitthu zaya epo, ila aphano alupa yoori atthu a phantte zooshi athupwiye.

Meepereewu 10:4

Maana khinwaheya taamu ya mirurumpi za mompe ama za puuzi olaza twampi.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

Zaapuura 22:31

Na enteela olaleya shariya yaya khwa atthu apale anttelaaye ovokoliwa, awoozaka yoori Nnyizinku ti awompiyeeyo.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

Meepereewu 11:14

Apale anlupaaye toowo anthoonyeza saaneene yoori aneekesa nti aya yo.

1 Yaahaya 1:10

Nkhama ninjilupeza ohiina hatha twampi moote, toowo nininretta Nluku wiiya namahata, na nttakhuzi lawe khaliri nkatthi mweetthu.

Meepereewu 11:17

Khwa amini, Eburahiima wakathi oototiweevo ti Nluku, anvahiye mwanawe Esiyaakha nkhama twaha; otule ampwekhereliyeeyo khwa ahiti, aasaleliye onretta twaha mwanawe mmote paasi,

Meepereewu 9:5

Vatulu wa aaraka zaarivo kerupiina za siifwa zaataphuliyeeyo mapaphelo aya khufinikha va efinikho ya oswamiheliwa twampi. Wekhweele, vitthu zaya epi, khaninlawa othatela nasaapi woolotteyavo.

1 Timootiyu 1:15

Mattakhuzi apa pi ookhweele na ansuhi okhupaleliwa: Yinsa Al-Masiihu ti ye aatiiyeeyo voolumwenku oteela owoosuru anatwampi, wootepacha waya ti miiyo.

Arooma 5:11

Khahiyo ethiito paasi, ila theenya ninjittitthimisa khwa Nluku, vakatthi wa Mbwana eetthu Yinsa Al-Masiihu, othuuto anipatthisiyeeyo osiilana.

Arooma 3:26

ila nasaapi eti, aretta epo yoori athoonyeze shariya yawe, mwaasa wa wiiya nashariya na namahakikhi wa apale ariina amini khwa Yinsa.

Arooma 2:4

Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

Khaazi 4:28

Yo aretta zooshi epile waalakeliyeeyo oretta khwa owahi oriinaaye.

Khaazi 3:18

Ila Nluku aretta etile yaalupiweeyo raku pi manapiyu ooshi araka: Al-Masiihu awe aari oteela ohoowa.

Khaazi 15:18

otule alaleyiyeeyo vitthu zaya epi thanku asulani.’

Khaazi 2:23

Othuuto enkheleliweeyo khwa shawuri Nluku atthomiyeezo rakuzeene khwa ojuwa wawe, ila mweeyo khukusanyeya na atthu ootakhala rooho khunkhomela vansalapa khumuula.

Yaahaya 6:47

Miiyo kiniwuuzani khweele yoori, otule anikikhupalaaye onaaye ohaayi wa mileele.

Khaazi 14:16

Khwa siikhu ziviriyeezo nyumani, Nluku aalikhiye khapila zooshi olotta tarikhi zaari otakhaazo.

Arooma 5:18

Nkhama etthiipo khwa ovonya wa ntthu mmote otaniyeeyo ohukhumwiwa wa atthu ooshi, etthiipo theenya khwa khaazi moote ya shariya yatana ohakikhiwa ontanaaye ohaayi khwa atthu ooshi.

1 Akorintiyu 5:7

Mwiphakuwanane fwaramento ya raku, yoori mwikhattiwe opheya woohiina fwaramento, nkhama wekhweele mwiriizo. Maana Al-Masiihu, Pwittipwitthi yeetthu ya Paashikowa, ya twahiwa.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 2:13

Raku mwaari peetiwene na Nluku ila apha, khwa okusanyeya na Yinsa Al-Masiihu, mweeyo mwamwaattama khwa taamu ya Al-Masiihu.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,