Arooma 2:10 - Hapari Zooshapweya

¹⁰ ila ottitthima, hishima, na heeri yiiye vamote na ooshi apale anrettaaye zooshapweya: waaza mayaahuuti mpakha amalapo.

Arooma 2:10 Referans Kwoze

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

Tiyaaku 3:13

Paani ariina akhili na weeleyiwa vakatthi venu? Ti athoonyeze wooshapweyavo khwa khaazi zookholiwa woojipushuwisavo zoolankha muujuwa.

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Luuka 1:79

ewaamwasikhele apale ari n'yiiza na vamwiivuuli woofwa, yoori eneettettise ntarikhi ya heeri.”

Tiyaaku 2:22

Weeyo ona ya woona yoori amini na khaazi yawe zaari okhola vamote. Na amini yathoonyezeya khwa khaazi yawe.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

Arooma 2:9

Eniiyavo miswipa na othunku khwa anaatamu ooshi anrettaaye zootakhala: waaza mayaahuuti, theenya khwa amalapo;

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Afiliipu 4:7

Na heeri ya Nluku, enzitaaye weeleyiwa wooshi, enthokorela rooho na akhili zenu mweeyo, khwa Al-Masiihu Yinsa.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Arooma 9:23

Kilupe niini, nkhama ye aretta epo yoori opatthe ojuwiwa othaajiri wa siifwa yawe khwa zoopo ya tthakaraka yawe, atthenkeziyeeyo raku zeene khwa ottitthima wawe.

Arooma 9:21

Otule anuupaaye zuuku khanwahi ottophe mmote wuupa yuuku ya fwayita na kiina yoohiina fwayita?

Khaazi 10:35

khwa wakhula khapila ye oniwaakhupalela atthu apale animoovaaye na anrettaaye epile ziiyiyeeyo za shariya.

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Luuka 22:14

Noofiya wakathi Yinsa na maaswihaapa awe khwiikhala vameeza.

Luuka 19:42

araka: “Eriwaka waari onjuwa otule aniwinkhaaye heeri leelo! Ila apho epo zaya zavitheya khwa weeyo.

Luuka 12:37

Ooparikhiyiwa anamarumeyela apale mbwana aya anttelaaye owaasikana eettaka ojeekesela. Kiniwuuzani khweele yoori, mbwana aya na ye ontta ojiwalisa yoori arumeye, awooze wiikhala vameeza asala awaarumeyela.

Luuka 9:48

Aphano khuwooza anakhiyoni awe yoori: “Otule animpokherelaaye mwaana otu khwa nzina laka, onikipokherela miiyo; otule anikipokherelaaye, onimpokherela otule akirumiyeeyo. Otule anjipushuwisaaye vakatthi venu mooshi, nttunkhulu tu othuuto.”

Matewuzhu 10:13

Nkhama atthu a nyuupa etile eeya oosuhi, heeri yenu mweeyo yiiye vamote na yo; amana ahisuhi, heeri yenu ti yuuruteleni.

1 Pheeturu 5:4

Amana ata Nshuki Nwulu, mweeyo mwinteela opwekhera jarata ya siifwa ehinishaaye waara waya.

Yaahaya 14:27

Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

1 Timootiyu 1:17

Apho, Mfwalume wa mileele attottopeliwe na asifwiwe siikhu zooshi, Ye ahinifwaaye wala ahinooneyaaye, Nluku mmote othuuto. Amiina!

Meepereewu 2:7

Weeyo wampushuwisa wakathi vattitthiiru zayita malayikha; ye wamwinkha jarata ya siifwa na onttitthimisa,