Arooma 15:3 - Hapari Zooshapweya

³ Maana theenya Al-Masiihu khajituveliseeni mweenyeweru, ila nkhama yaatikhiweezo yoori: “Mattukhano a apale anuuttukhanaaye akikwela miiyo.”

Arooma 15:3 Referans Kwoze

Afiliipu 2:8

Na khwiikhala khwa nanna ya onaatamu, khujipushuwisa mwenyeweru, na khwiiya namashututi mpakha ofwa, ofwa wa vansalapa.

Yaahaya 4:34

Yinsa khuri: “Etthu yoojiwa yaka oretta matakhelo a otule akirumiyeeyo okhola khaazi zawe.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 5:30

Otthome akinwahi oretta hatha etthu. Miiyo kimphuka khwa nanna Paapa akuuziyeeyo, na ophuka waka pi wa shariya maana akineekesa ojituvelisa, ila matakhelo a otule akirumiyeeyo.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Yaahaya 8:29

Otule akirumiyeeyo ori vamote na miiyo, ye khakilikheeni wiiya otthome, maana wakhula wakathi kinretta etile enintuvelaaye.”

Matewuzhu 26:42

Khurutela olawa olompa theenya khuri: “Paapa, nkhama khinwaheya okattuwananisa jiikira eti khapula kihinyweeni, ti arettikhane matakhelo awo.”

Matewuzhu 10:25

Nakhiyoni ona yoofurahi amana anfiyela mwaaliimu awe, na karumeya amana anfiyela Mbwana awe. Moone, amana mweenyewe nyuupa attukhaniwa na khutthajiwa nzina la Belezibuuli, khi ajamaaze khatepeeni!

Yaahaya 15:24

Eriwaka akeettiye oretta vitthu vakatthi vaya ahinwahaaye oretta ntthu nkina, yo khaari wiiyana paathuli ya twampi. Ila yo oona epi kirettiyeezo na khusala akhanyarela wiiphiiriwa ti miiyo na Paapa.

Yaahaya 15:10

Amana mweeyo mwishututela oruma waka mwiniiya nkatthi wa pheta yaka, nkhama etthiipo na miiyo kinshututelaaye oruma wa Paapa na kiiyiyeeyo nkatthi wa pheta yawe.

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Matewuzhu 27:44

Theenya anamwiiya apale aakhomelaniweeyo khusala anttukhana.

Afiliipu 2:5

Menttezi enu eeye sawasawa na a Al-Masiihu Yinsa.