Arooma 15:26 - Hapari Zooshapweya

²⁶ Maana ojama wa Nluku wa Masetooniya na wa Akaaya aarina furaha ya oshokholeza khwa asikhini ariiye vakatthi wa attakatthiifu a Yeruzaleemu.

Arooma 15:26 Referans Kwoze

2 Akorintiyu 9:12

Maana khaazi eto mwinkholaaye mweeyo, khinaawuni othowiwa paasi wa mamuumini, ila theenya emmwazeyela oshukhuru wa waatta aninkhiwaaye Nluku.

2 Akorintiyu 9:2

Maana kinjuwa ojilaza weenu khwa waawuni. Miiyo kawaathoonyeza a Masetooniya ojishashawula kiriina khwa mweeyo, kiwoozaka yoori, waaza mwaakhajana, mweeyo atthu Akaaya mwaari woolikana khwa oshokholeza. Ojinkha weenu wawaalipisela atthu awaatta a Masetooniya.

Filimooni 1:5

maana kinsiila elupiwaka amini yawo khwa Mbwana Yinsa na pheta yawo khwa attakatthiifu ooshi.

1 Akorintiyu 16:15

Mweeyo mwinjuwa yoori ojama wa owawe Shiteefanu pi atthu amwanzo a nti wa Akaaya okhupalela amini na ojinkha nkatthi wa khaazi ya attakatthiifu.

Khaazi 18:12

Wakathi Kaaliyu enkhiweeyo onsataro wa nti wa Akaaya, mayaahuuti khukusanyana khusiilana, khukholiwa Paawulu khunlawana onyuupa woophukiwamo milattu.

Khaazi 16:9

Osikhu Paawulu khunteela jozi, mwinyi mmote wa Masetooniya aari wa weemela anvekelaka yoori: “Ovire Masetooniya ote onaawuni.”

Luuka 14:13

Ila amana wiiyana njampo owaalaleye asikhini, anamarakala na atthu oohooni.

Luuka 6:20

Aphano Yinsa khulansa maasho khuweekesa anakhiyoni awe khuwooza yoori: “Ooparikhiyiwa ti mweeyo mwiiyiye asikhini, maana Ofwalume wa Nluku pu weenu.

Matewuzhu 26:11

Maana asikhini aniiya vamote na mweeyo wakhula siikhu, ila miiyo khamwinteela wiiyana wakhula siikhu.

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Khaazi 9:13

“Mbwanaaka, kaaza raku osiila vitthu monkoni wa ntthu oto, na vitthu zooshi zootakhala aniwaarettelaazo attakatthiifu awo Yeruzaleemu.

Khaazi 16:12

Khulokha ottuukho khweetta Filiipu nti wa Masetooniya yaari sitati yootafikhana ya nti aya otthuupule waalokozeliweeyo pi arooma sitati khuulu ya nti wa Masetooniya. Ottuukhule khwishawo siikhu vattitthiiru.

Khaazi 19:21

Paata ya vitthu epile, Paawulu khulakela nroho mwawe ovira nti wa Masetooniya na wa Akaaya alawaka Yeruzaleemu. Khulupa yoori: “Nawiisha othotola Yeruzaleemu, enikihithajiya olawa Rooma.”

1 Akorintiyu 16:5

Paata ya ovira Masetooniya kinlawa koothotoleni, wiiya kinttela ovira ottuukho.

2 Akorintiyu 1:16

Wekhweele, miiyo kaari wuupuwela wuuthotolani keettaka nti wa Masetooniya na kirutaka, yoori mwikaawuni oretta safwari yaka ya Yudeya.

2 Akorintiyu 2:13

akaari ovumula nroho mwaka, mwaasa wa ohinsikani ttwiiyaku Tiitu. Tiito miiyo khuwaaleeza attwi a ottuukhule khusala kilawa Masetooniya.

2 Akorintiyu 7:5

Maana, wakathi nifiyeevo Masetooniya, khanaavumuliye hatha vattitthiiru, ila zaanipatthiye miswipa wakhula nanna: tafwawuthi za oje na woova wa nkatthi.

2 Akorintiyu 9:4

Amana a masetooniya akinaaya ata vamote na miiyo, khuusikanani mwiri woohijitthenkezi, fweeyo enteela onipattha haaya, mweeyo mwatepa.

2 Akorintiyu 11:9

Wakathi kaari vakatthi venu waakipatthiye othowiwa, akanvelavelisiye hatha ntthu, maana attwi wakathi arutiyeevo Masetooniya aakinkhiye epile zaakisaleliyeeyo. Karetta zooshi epo yoori kihuulemeleni mweeyo, na kinrutela oretta etthiipo.

Afiliipu 4:15

Nkhama etthiipo mweeyo afiliipu mwinjuwaazo, yoori khwa siikhu za waaza wa olaleyiwa hapari zooshapweya, wakathi kiliyeewo Masetooniya, khawiivo ojama wa Nluku mmote waajikusanyaniyeeyo miiyo monkoni wa winkha na winkhiwa, woohiiyi mweeyo paasi.

1 Atizaloonika 1:7

Etthiipo mwaretteya wiiya nthoonyezo khwa mamuumini ooshi a Masetooniya na Akaaya.

1 Atizaloonika 1:8

Maana waaza khwa mweeyo nttakhuzi la Mbwana lamwazeyela Masetooniya na Akaaya, khahiyo ottuukhoru paasi, ila wakhula phantte yajuwiwa amini mwiriinaaye khwa Nluku. Wiishela waya khaninhithajiya olupa theenya monkoni wa eto yaya.

1 Atizaloonika 4:10

Maana wekhweele, mweeyo mwiniwaapheta attwi ooshi ariiye Masetooniya yooshi. Ila ninuukhanyarelani mweeyo yoori mwisala mwiretta etthiipo wakhula swaafu.

1 Timootiyu 1:3

Nkhama etthiipo kaawuuziyeezo wakathi opule kaari weettaaye nti wa Masetooniya, yoori amana osala nti wa Eefezu owaahirimize atthu akina yoori ahikhanyarele osomisa mwentto woovonyeya.