Arooma 15:19 - Hapari Zooshapweya

¹⁹ khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 15:19 Referans Kwoze

2 Akorintiyu 12:12

Maana thalaapa za owaaswihaapa zathoonyeziwa vakatthi venu, na nthiti looshi, alama, vitthu zootikinisa na owahi wa minjuza.

Meepereewu 2:4

Nluku naye alawela oshaahiti vakatthi wa alama, minjuza, vitthu zootikinisa nanna zene na tthuvo ya Rooho Ttakatthiifu eperekhiweeyo khwa matakhelo awe.

Akaalata 3:5

Otule aniwinkhaanini Rooho Ttakatthiifu na oretta minjuza khwa mweeyo onretta vitthu zaya epi khwa olottela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?

2 Timootiyu 4:17

Ila Mbwana khwiiya phantte yaka na khukinkha kuvu, yoori khwa miiyo hapari elaleyiwe saaneene na amalapo ooshi asiile. Miiyo khutapuliwamo nkhanyo wa siipa.

Khaazi 20:6

Paata ya ovira njampo la phaawu yoohiina fwaramento, neetta olankha sitati ya Filiipe, siikhu yathaanu khuwaasikana Torowaati, khwiisha sumana niri ottuukho.

Khaazi 17:10

Nooripa attwi khumperekha Paawulu na Siila weetta sitati ya Bereeya. Noofiya Bereeya yo khweetta nsinakooka ya mayaahuuti.

Khaazi 20:20

Mweeyo mwinjuwa yoori akaalikhiye wuutafusirelani zooshi epile ziiyiye za fwayita, na osomisa vamwanttiwa mpakha nyuupa khwa nyuupa.

Khaazi 19:1

Wakathi Apoolu aari Korintiyu, Paawulu khuvira miti epile za nkulu za Aaziya, khulawa mpakha Eefezu. Ottuukho khuwaasikana anakhiyoni akina,

Khaazi 18:19

Paata ya ofiyaza Eefezu, Paawulu khunlikha Pirisiila na Akiila. Ye khuvira nsinakooka khwaaza opiya mwaasa na mayaahuuti.

Khaazi 18:1

Paata ya toole, Paawulu khulankha Ateena khusala alawa Korintiyu.

Khaazi 17:15

Apale aari omperekhaaye Paawulu, anlawaniye mpakha sitati ya Ateena, yo khurutela Bereeya, Paawulu khuwaalezela nhupi yoori amuuze Siila na Timootiyu alawe ottuukhule aariiwo, woohirupazi.

Khaazi 16:18

Ye khusala avira arettaka etthiipile khwa siikhu zawaatta. Paawulu khunshokheza, khuzukuluwa khumuuza sheethwani otule aariina mwanankha otule yoori: “Khwa nzina la Yinsa Al-Masiihu miiyo kinuuruma yoori oleemo mmwiili mwawe!” Nasaapiru sheethwani otule khunlikha.

Khaazi 15:12

Atthu ooshi eettiye onyamala khusala ansiileza Paawulu na Baranabe alupaka alama na minjuza zooshi aarettiyeezo Nluku khwa yo vakatthi wa amalapo.

Khaazi 14:25

Paata ya otafusiri nttakhuzi la Nluku nti wa Peereje, khwiishukhela nti wa Ataaliya.

Khaazi 14:20

Ila wakathi atiiyeevo anamalottela a Yinsa khunzukulela eetta olankha khurutela nsitati. Siikhu ya phiiri ye na Baranabe khusala alawa sitati ya Teerepe.

Khaazi 14:10

khumuuza woonyakulavo araka: “Olankhe! Weemele!” Khulankha khwiirukha khwaaza weettetta.

Khaazi 14:6

Yo noosiila shawuri epile, khutthirela sitati ya Liishitera na Teerepe nkatthi wa nti wa Likayooniya na miti za waattamanana.

Khaazi 13:51

Attaaphale khutatha lifufu laari mmoolu mwaya, khusala alawa nti wa Ekooniyu.

Khaazi 13:14

Alankhaka Peereje khufiya Antiyookiya ya Pisitiya, khusala alawa nsinakooka siikhu ya Saapatu, noofiya khwiikhala.

Khaazi 1:8

Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Yaahaya 4:48

Yinsa khuri: “Mweeyo mwinkhupali paasi amana moona alama za minjuza miwulu miwulu.”

Matewuzhu 12:28

Ila nkhama kiniikara masheethwani khwa Rooho ya Nluku, eto enthoonyeza yoori Ofwalume wa Nluku wafiya vakatthi venu.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

Akoloosu 1:25

Khwa otthuupo miiyo karetteya wiiya karumeya khwa khaazi Nluku akinkhiyeeyo ya wuuthoonyezani mweeyo saaneene nttakhuzi lawe,

Arooma 15:24

kinwaza oretta amana kilawaka Shipaanya. Kinwejela wuuthotolani kiviraka na kiwinkheni mweeyo ruhusa ya okaawuni monkoni wa safwari yaka eto, paata ya opuha vattitthiiru vamote na mweeyo.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

1 Akorintiyu 2:4

Hapari zaka na tafusiiri zaka khinlankha nkatthi wa mattakhuzi a akhili otakha wuushinttanani, ila zinlankha khwa othoonyeziwa wa owahi wa Rooho ya Nluku,

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.