Arooma 15:15 - Hapari Zooshapweya

¹⁵ Monkoni wa vitthu kiina zaya, miiyo kawaatikhelani mweeyo woomaruwavo channu, haaswahaaswa yoori kuukupuseleni opheya vitthu zaya epo mwinjuwaazo. Kawaatikhelani mwaasa wa rehema Nluku akinkhiyeeyo,

Arooma 15:15 Referans Kwoze

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

Arooma 12:6

Ninaaye tthuvo zoofwarikhana, khwa rehema ninkhiweeyo. Nkhama ntthu onaaye tthuvo ya ohupiri, arumeyele khwa amini ariinaaye.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

1 Yaahaya 5:13

Miiyo kiniwaatikhelani mattakhuzi apa mweeyo mwikhupaliyeeyo nzina la Mwaana wa Nluku, mwijuwe yoori mwinaaye ohaayi wa mileele.

2 Pheeturu 3:15

Mwitthe mwa akhili mweenu yoori ovilela wa Mbwana eetthu onthoonyeza nusura, nkhama mphetani ttwiiyetthu Paawulu awaatikheliyeenini khwa ojuwa Nluku amwinkhiyeeyo.

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.

Meepereewu 13:22

Attwiizaku, kinuuvekelani yoori mwivilele mattakhuzi aka oolipisela; wekhweele etile miiyo kiwaatikheliyeenini khayaatteeni.

Tiitu 3:1

Owaakupusele attwi ooshi yoori ana ya owaashututela apale alokozeliyeeyo na afwalume, eeye anamashututi oolikana, anamaretta zooshapweya wakhula wakathi,

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

2 Timootiyu 1:6

Khwa ethiito, kinuutumerela yoori okholelele wa ohaayivo tthuvo ya Nluku opatthiyeeyo paata ya miiyo wuutthela makhono aka.

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

Akaalata 2:9

Aphano Tiyaaku, Pheeturu na Yaahaya aakhupaliweeyo wiiya anamalokozela, ajuwiyeevo rehema enkhiweeyo ti Nluku, khookoleliwa nkhono nlume, miiyo na Baranabe nkhama alama ya osiilana. Khukhupalela yoori fweeyo ninttela okhola khaazi vakatthi wa amalapo na yo vakatthi wa apale ookhiriya.

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.