Arooma 14:17 - Hapari Zooshapweya

¹⁷ Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Arooma 14:17 Referans Kwoze

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Matewuzhu 6:33

Apho, mweekese khapula Ofwalume wa Nluku na shariya yaya, na vitthu zooshi mwintta weekezeliwa.

1 Akorintiyu 4:20

Maana ofwalume wa Nluku khahi wa mattakhuzi, ila pi wa owahi.

1 Akorintiyu 8:8

Nakataalikha, etthu yoojiwa khinniretta wiiya atthu okhupaleliwa omaasho wa Nluku. Khaninziti amana nihiji, ama khanitepa amana nija.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Khaazi 13:52

Anakhiyoni aari ovira eetaalaka furaha na Rooho Ttakatthiifu.

Afiliipu 4:7

Na heeri ya Nluku, enzitaaye weeleyiwa wooshi, enthokorela rooho na akhili zenu mweeyo, khwa Al-Masiihu Yinsa.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

Afiliipu 4:4

Mwinfurahele Mbwana wakhula wakathi; kinrutela opheya kilupaka yoori: Mwinfurahele!

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

1 Pheeturu 1:8

Hatha nkhama mweetta ohimooni, mweeyo mwinimpheta, na hatha nkhama mwintta ohimooni nasaapi eti, mwankhupali mwintthapa na furaha ehinlupeyaaye ya ottitthima,

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Afiliipu 2:1

Nkhama niri vamote na Al-Masiihu na fweeyo ninaaye olipiseliwa, na otumereliwa wa pheta, na osiilana wa Rooho, na mahapa a huruma,

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Luuka 14:15

Ntthu mmote wa atthaapale aariina vameeza asiiliyeevo mattakhuzi apale khumuuza Yinsa yoori: “Ooshapweyiwa pi apale anttelaaye oja njampo la Ofwalume wa Nluku.”

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.