Arooma 14:14 - Hapari Zooshapweya

¹⁴ Nkhama ntthu ori wa Mbwana Yinsa, kinkhupalela yoori khina etthu yoojiwa ottho yiiyiyeeyo yoohifwayi, amana ntthu aharamusha, eniiya haraamu khwa ye.

Arooma 14:14 Referans Kwoze

Tiitu 1:15

Vitthu zooshi pi za oottakasiwa khwa atthu apale eeyiye oottakattha, ila khwa atthu apale ahiiyeeni oottakattha na ahiiyeeni mamuumini khayiivo etthu yoottakattha. Maana waaza shawuri zaya na akhili zaya zatapanyeya.

Arooma 14:2

Owaapho ankhupalaaye oja vitthu zooshi; ila akina apale amini yaya yiiyiyeeyo yoottettheya, etthu yoojiwa yaya mathapa.

1 Akorintiyu 8:7

Khwa etthiipo, khahiyo atthu ooshi ariina ojuwa waya opo. Akinoko nalelo azowera sanamu, anja etthu yoojiwa yaya eto nkhama twaha ya sanamu; wiiya shawuri zaya pi zoottettheya, aniiya ookwakhula.

1 Timootiyu 4:4

Weekhweele, epile Nluku ompiyeeyo pi zooshapweya zooshi, ehiiyevo hatha moote enthanyiwaaye amana yiiya yoopokhereliwa wonshukhurwelavo Nluku.

1 Akorintiyu 8:10

Maana, nkhama ntthu ona shawuri zoottettheya khuwoonani mweeyo mwiriina ojuwa waya opo mwijaka nzaawiya, na ye khaniweezelani oja epile etwaheliweeyo sanamu?

Khaazi 10:28

Khuwooza yoori: “Mweeyo mwinjuwa yoori okusanyeya mayaahuuti na mmalapo, ama owaathotola enkhattaziwa. Ila Nluku ti akithoonyeziyeeyo yoori akina haakhi ya onharamusha ntthu wala omoona ohifwayi.

1 Akorintiyu 10:25

Mwije vitthu zooshi zinuuzanyisiwaaye opazari, woohuuzeli hatha etthu mwaasa wa akhili zenu.

Arooma 14:23

Ila otule ariina nshikili ti wohukhumwiwa amana aja, maana khanja na amini; na yooshi etile ehintanaaye amini twampi.

Arooma 14:20

Ohitapanye khaazi ya Nluku mwaasa wa etthu yoojiwa. Vitthu zoojiwa zooshi pi za halaali, ila ti ya ovonyeya oja wakhula etthu eniwaakwakwanttulaaye akinoko.

Maaruku 7:2

Khusala awoona anakhiyoni awe akina eettaka oja na makhono aharaamu, enlupaaye yoori khanaweeni.