Arooma 13:12 - Hapari Zooshapweya

¹² Osikhu onsaleela wiisha; nthana ori kharipu. Nakataalikha nilikhe khaazi za n'yiiza na nijiwalise zaana za nnuuru.

Arooma 13:12 Referans Kwoze

Ayeefezu 5:11

Mwihijivuluwelise nkhaazi zihiniiyanaaye mishumo, khaazi zaya epo za n'yiiza mwitiise nnuuru.

2 Akorintiyu 6:7

khwa nttakhuzi la haakhi, na owahi wa Nluku; na zaana za shariya, zawuumanana na zoojaakisana;

Tiyaaku 1:21

Nakataalikha, mwilikhe vitthu zooshi zootakhala na zoohifwayi, mwipokherele na ojipushuwisa nttakhuzi nttinttho likheyiweeyo liriina owahi wa wuusuru nafusi zenu.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

Othoonyeziwa 22:10

Aphano khukuuza yoori: “Wala ohipharise mattakhuzi ohupiri a kithaapu eti, maana wakathi wanttama.

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

Othoonyeziwa 1:3

Wooparikhiyiwa ti otule ansomaaye mattakhuzi apa ohupiri na ooparikhiyiwa pi apale ansiilaaye na khuthokorela epile zaatikhiweeyo, maana wakathi wanttama.

1 Akorintiyu 7:29

Etthu kintakhaaye olupa ti yoori wakathi ori vattitthiiru. Waaza nasaapi mpakha ninttaawo, otule alooliyeeyo, eekhale nkhama ntthu woohilooli.

1 Akorintiyu 10:11

Vitthu zaya epo zawaarettikhanela nkhama nthoonyezo na zaatikhiwa yoori nuuziwe fweeyo, khwa otule anttelaaye ofiya wakathi wa mwiisho.

2 Akorintiyu 10:4

Zaana ninrumeyelaaye nuumanaka khahiyo za onaatamu, olikha toowo, pi za owahi khwa Nluku yoori epwechele korofwa zoolipalipa.

Ayeefezu 5:8

Maana raku mwaari atthu a n'yiiza, ila aphano mwa nuuru khwa Mbwana. Meekhazi enu eeye nkhama aana a nnuuru.

Meepereewu 10:25

Na nihilikhe okusanyeya nkhama ojama wa Nluku. Etthiipo ahinrettaazo akina. Ila nina ya olipiselana mmote na nzeetthu; nkhama etthiipo mwinjuwaazo yoori yasaleela ofiya siikhu ya ota wa Mbwana.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Tiyaaku 5:8

Mweeyo naye mwiiye atthu oovilela na mwikhomaaze rooho zenu, maana ota wa Mbwana eetthu wasaleela ofiya.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

2 Pheeturu 3:9

Mbwana khanrupaza oretta etile ahitiyeeyo, nkhama anaakanyeraazo atthu akina. Ila ye ti woovilela khwa mweeyo, khantakha yoori eeyevo ampwetheyaaye, ila ontakha yoori atthu ooshi athupwiye twampi zaya.

2 Pheeturu 3:11

Maana vitthu zooshi zinteela wiiya etthiipo zootapanyiwa, mweeyo mwinhithajiya wiiya atthu a nanna ni? Mwina ya wiikhala khwa nanna ttakatthiifu na ya emaani,

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.