Arooma 10:17 - Hapari Zooshapweya

¹⁷ Khwa etthiipo amini enta khwa osiila hapari, na hapari ensiiliwa khwa nttakhuzi la Al-Masiihu.

Arooma 10:17 Referans Kwoze

Akaalata 3:2

Kintakha ojuwa etthu moote khwa mweeyo: Rooho Ttakatthiifu mwapokherela mwaasa wa oshututela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?

Akaalata 3:5

Otule aniwinkhaanini Rooho Ttakatthiifu na oretta minjuza khwa mweeyo onretta vitthu zaya epi khwa olottela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Luuka 11:28

Ila Yinsa khunjipu araka: “Ooparikhiyiwa pi apale ansiilaaye nttakhuzi la Nluku khushututela.”

Maaruku 4:24

Aphano, khuwooza yoori: “Phoole na epile mwinsiilaaye. Na mphimo otthuupo mwinttelaaye owaaphimela azeenu, mwinttela ophimeliwa otthuupo, na theenya mwinkeene mwinlawa mweekezeliwe.

Luuka 8:21

Ye khuwaajipu araka: “Maama na attwiizaku pi apale ansiilaaye Nttakhuzi la Nluku khushututela.”

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 10:14

Nannani anttelaaye onkhuwela otule ahinkhupaleeni? Na anttela onkhupali toovi otule ahinasiile hatha etthu monkoni wa ye? Na anteela osiila toovi ahipuweeni ntthu wa owaatafusirela?

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

Luuka 8:11

Maana a nlikaniso opu pi toono: Peewu eti enthoonyeza nttakhuzi la Nluku.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

Meepereewu 4:2

Maana natafusireliwa hapari zooshapweya etthiipo atafusireliweezo yo, ila hapari epo asiiliyeeyo khattheleeni fwayita, maana khalokoziweeni ti amini apale asiiliyeeyo.

Yaahaya 1:37

Anakhiyoni apale awiri a Yaahaya noosiila mattakhuzi apale khusala anlotta Yinsa.