Arooma 10:14 - Hapari Zooshapweya

¹⁴ Nannani anttelaaye onkhuwela otule ahinkhupaleeni? Na anttela onkhupali toovi otule ahinasiile hatha etthu monkoni wa ye? Na anteela osiila toovi ahipuweeni ntthu wa owaatafusirela?

Arooma 10:14 Referans Kwoze

Tiitu 1:3

Khwa wakathi khaamili, ye atana nuuru khwa nttakhuzi lawe monkoni wa tafusiiri kinkheleliweeyo khwa oruma wa Nluku, Namuusuru eetthu.

Meepereewu 11:6

Khweele, noohiina amini ntthu khanintuvelisa Nluku, khwa ethiito enihithajiya yoori otule antakhaaye omwaattama Nluku akhupali yoori ye owaapho na oniwenkha phakari apale aneekesaaye onjuwa saaneene.

Khaazi 8:31

Ye khujipu araka: “Anikeeleya toovi kihina ntthu wookeeleza?” Khumuuza Filiipe yoori awele varikisho attaaphale aariivo ye.

Tiyaaku 5:15

Lompa yoorettaniwa amini enimuusuru nlwele, na Mbwana oninlansa, nkhama aarettiye twampi oniiya wooswamihiwa.

2 Timootiyu 4:17

Ila Mbwana khwiiya phantte yaka na khukinkha kuvu, yoori khwa miiyo hapari elaleyiwe saaneene na amalapo ooshi asiile. Miiyo khutapuliwamo nkhanyo wa siipa.

Ayeefezu 4:21

nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Khaazi 19:2

khuwoozela yoori: “Mwapwekherela Rooho Ttakatthiifu wakathi mwikhupaliyeevo?” Khujipu yoori: “Wala na khannasiile yoori ewaapho Rooho Ttakatthiifu.”

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Yuunusa 1:16

Ooniyeevo toole, amalinyero ooshi khwiiya awoova channu na khumwaaputu Nnyizinku. Khunrettela twaha Nnyizinku na theenya ahiti.

Yuunusa 1:5

Amalinyero ooshi khwiiya awoova, wakhula mmote wa yo khusala akhuwa anvekelaka nluku awe, yoori apatthe wuusurukha, na khusala atupweeza mapwattha aya mpahari, yoori eveyaveye pankaya yaya. Wakathi aya opo Yuunusa, aarettiye eeshukheliye mpurawu eettaka olala ajisahawiye.

Yaahaya 9:36

Ye khujipu yoori: “Mbwana, paani oto aya yoori na miiyo kinkhupali?”

Ayeefezu 2:17

Etthiipo Yinsa khuta khulaleya hapari za heeri khwa mweeyo mooshi mwaari peetiwene na Nluku na heeri theenya khwa apale aari kharipu na Nluku.

Matewuzhu 20:7

Yo khunjipu yoori: ‘Maana khina mmote aninkhiyeeyo khaazi.’ Aphano khuwooza apale aya yoori: ‘Ettani na mweeyo mwakhole khaazi mmashapa mwaka.’