Arooma 1:30 - Hapari Zooshapweya

³⁰ anamatarawu, maatuwi a Nluku, oohileleyi, ooveyisa na oojinkhelela, anwazaaye ohata wa oretta zootakhala, woowakhijilela apapazaya,

Arooma 1:30 Referans Kwoze

2 Timootiyu 3:2

Atthu anttela wiiya amiiko, ookhwiririwa, oojittottopa, oojikhupali, ookufuru, owaakhijilela apaapa zaya, oohishukhuru na makaafiri,

Yuuda 1:16

Atthu aya apo aniikhala ajilizaka, anamwiphiiriwa na nasipu yaya, anlottela tuvela zaya zoohifwayi, oojikhupali, aniwaattettekha azaaya khwa tuvela zaya.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

Tiyaaku 4:16

Ila mweeyo mwinjitayiti na ojittottopa. Wakhula ojitayiti nkhama opo pi wootakhala.

Tiyaaku 3:5

Nlimi naye piitthiipo, etthu ttiitthiiru ya mwiili, ila linjishashawula khwa vitthu khulukhulu. Moone theenya tthuttu khuluyeene enikhoziwa ti moottho nttitthiiru.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

2 Akorintiyu 10:15

Khwa nanna ethiito, khaninlawa ozitisa mwiinano eetthu, nijittottopaka khwa khaazi akholiyeeyo atthu akina. Nroromelo eetthu ti yoori khiima eneekezeleyaaye amini mwiriinaaye, na khaazi zeetthu khwa mweeyo etepe weekezeleya venkivene,

Arooma 3:27

Eri vayi aphano kiiswa ya ojikhutupula? Yalaziwavo. Wala yaaza vayi? Va oshututela kano? Wala, ila yaaza va amini.

Arooma 2:23

Weeyo onjikhupalanaaye kano, ila onintarawu Nluku khwa ohishututeli kano zawe!

Arooma 2:17

Apho, weeyo onjilupeza oyaahuuti, onjilipisana kano na onjikhupalina Nluku.

Khaazi 5:36

Maana, ehinafiye siikhu epi, aapuwiye mwinyi mmote aari wiitthiwaaye Teewuda, aari ojoonaaye wiiya nwali; othuuto alawiye khuwaakusanya atthu miiya nne. Ila yaya khuuliiwa na ooshi apale aari onsilezaaye khwiiya oomwazeya na woohishintti hatha etthu.

Luuka 21:16

Hatha mwinlawa mwafukisiwe wa afwalume pi apapazenu, attwiizenu, ajamaazenu na ashirikha enu, akinoko a mweeyo anlawa ooliiwe.

Matewuzhu 16:21

Waaza wakathi otthuupule, Yinsa khwaaza oweeleza anakhiyoni awe yoori yaari ohithajiya olawa Yeruzaleemu ahoochaniwe vitthu zawaatta mmakhono wa attunkhulu a tiini, mahaakhimu a tiini na anamanozela a kano, ooliiwe, siikhu ya ttaatthu asisimuwe.

Matewuzhu 15:4

Maana Nluku alupa yoori: ‘Onshitahi papaawo na mamaawo’ na ‘antakhaaye onlaani papaawe na mamaawe ona ya ohukhumweliwa ofwa.’

Yaahaya 7:7

Olumwenku khunwahi wiiphiiriwa ti mweeyo, ila oniiphiiriwa ti miiyo, maana miiyo kininkha oshaahiti wa yoori khaazi zaya pi zootakhala.

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.