Arooma 1:10 - Hapari Zooshapweya

¹⁰ khwa lompa zaka, kinveka yoori enasaapi eti khwa otakha wa Nluku, kifukuleliwe tarikhi ya oteela wuuthotolani.

Arooma 1:10 Referans Kwoze

Khaazi 18:21

Ila khuwaaleza araka: “Kinlawa karuti amana Nluku atakha.” Khupakhira nkalawa khulaawo nti wa Eefezu.

Tiyaaku 4:15

Olikha toowo, mwaarina yoolupa toono: “Amana Mbwana atakha, niniiya haayi, na ninretta eti ama etile.”

Filimooni 1:22

Olikha toowo, okeekesele puuro ya ovumula, mwaasa wa lompa zawo, kineekesela yoori kiwahi orutiseliwa mweeyo.

1 Atizaloonika 2:18

Naatakhiye wuuthotolani. Miiyo Paawulu kaatakhiye, khahiyo swaafu moote ila zawaatta, ila sheethwani khunikhattaza.

Meepereewu 13:19

Kinuuvekelani saaneene olompa yoori miiyo kirutele mmakhono mweenu woohirupazi.

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

Khaazi 19:21

Paata ya vitthu epile, Paawulu khulakela nroho mwawe ovira nti wa Masetooniya na wa Akaaya alawaka Yeruzaleemu. Khulupa yoori: “Nawiisha othotola Yeruzaleemu, enikihithajiya olawa Rooma.”

1 Akorintiyu 4:19

Ila, kinteela ota woohirupazi, amana Mbwana atakha; aphano kinteela ojuwa, khahiyo mattakhuzi paasi anlupaaye anamajikhutupula apo, na owahi yo ariinaaye.

Khaazi 21:14

Wiiya khanaari owahi onlikhisa olawa; khukayiri niraka: “Ti erettikhane etile yiiyiye matakhelo a Mbwana eetthu.”

Arooma 15:29

Kajuwa yoori, amana kita wuuthotolani, kinlawa kiri woolikana na parakha zawaatta za Al-Masiihu.

1 Akorintiyu 1:1

Miiyo Paawulu, kikhuweliweeyo khwa matakhelo a Nluku yoori kiiye aswihaapa wa Al-Masiihu Yinsa, kinaatikha vamote na ttwi Sositeene,