Akoloosu 3:8 - Hapari Zooshapweya

⁸ Ila aphano mwanswi vitthu zaya epo zooshi: katapu, wiiphiiriwa, otakhala rooho, mattukhano, na mattakhuzi ootakhala a nkhanyo mweenu.

Akoloosu 3:8 Referans Kwoze

Ayeefezu 4:29

Nkhanyo mweenu lihilankhemo hatha nttakhuzi limote lootakhala, ila alankhemo mattakhuzi ooshapweya anwahaaye owaajeka azeenu khwa nanna enihithajiyaaye, yoori litane rehema vakatthi wa atthu apale ansiilaaye.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Ayeefezu 5:4

Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

Ayeefezu 4:26

Mwikatipukhe, ila mwihikose, owiisheleni okatipukha waya opo njuwa lihinatupweele.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Akoloosu 3:9

Mwihihatane mmote na nzeenu, maana mweeyo mwavula ontthu opule wa raku na zowera zaya,

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

Matewuzhu 5:22

Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘Nlolo!’ oninsuhi weetta vamoottho wa motthooni.

Akaalata 5:15

Ila nkhama mwintta olumana na orafunana, mwiiyane phoole mwihitapanyane mmote na nzeenu!

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Yuuda 1:8

Khwa nanna ethiito anamalottha aya apo, ankwakhulisa mwiili aya, antarawu ofwalume wa Nluku na antarawu zumpe za pinkuuni.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

Tiyaaku 2:7

Khahi atthaapo antarawaaye nzina looshapweya ntthile mweeyo mwinkhuwelaaye?

1 Timootiyu 1:20

Akina aya ti Hemeeni na Alishantere. Yo kawaalikhela epiliisi yoori awaahoowise, ajuwe ohikufuru.

1 Timootiyu 1:13

Miiyo ena omwanzo kaari namakufuru, namalupattha, namahusuti, wakathi aya opule miiyo akaarina amini, etthu kaari orettaaye akaari ojuwa, apha kooneliwa huruma.

Akaalata 5:26

Nihiiye atthu oojikhupali, niwaalikaka azeetthu na wiiyana nrima mmote na nzeetthu.

Akaalata 5:20

sanamu, oshawi, ohisiilani, onyakulisana, wiivu, katapu, ojikhutupula, omwazeyana, ovalulana,

Maaruku 7:22

oraruwa, okhwiririwa, vitthu zootakhala, ohata, oralana woohiiyi wa halaali, nrima, waapa, ojoona na ololo.

Othoonyeziwa 16:9

Apa khwiiya oolukuziwa ti haari yookhomaala na khulaani nzina la Nluku, ntthile liriina oshintta pala zaya epo; khwa zooshi epo khukhijili othupwiya na onttitthimisa.

Yuuda 1:13

Yo anuupuwa nkhama mawipi oowali a mpahari, asarulelaka oje maphovu a khaazi zaya zoopatthisa haaya, anuupuwa nkhama matthottowa oohiina tarikhi, apo aya athokoreliwa mileele yoori eeye puuro ya wiicha n'yiiza.

2 Pheeturu 2:7

ila khunlikha Loothi, ntthu wa shariya aari oshukulikhaaye mwaasa wa mwentto wootakhala wa atthu aya apale.

Ayeefezu 4:25

Nakataalikha, wakhula mmote wa mweeyo mwina yoolikha ohata, mwisala mwittakhula haakhi na azeenu, maana fooshi na a mwiili mmote.