Akoloosu 3:24 - Hapari Zooshapweya

²⁴ mwijuwaka yoori mwinteela opwekhera phakari ya erathi khwa Mbwana, maana mwininrumeyela Al-Masiihu, Mbwana.

Akoloosu 3:24 Referans Kwoze

Ayeefezu 6:8

Maana mwinjuwa yoori Mbwana onteela oninkha phakari khwa wakhula etile ntthu anrettaaye yooshapweya, waaza mwiitthwaana mpakha otule woohiiyi mwiitthwaana.

Luuka 14:14

Toowo oparikhiyiwa onttela wiiya wawo, maana apo aya khanlawa wiiyana etthu yawuurutisela. Oriphiwa wawo onttela ota siikhu ya osisimuliwa wa anashariya.”

Akaalata 1:10

Nasaapi eti miiyo kineekesa okhupaliwa ti anaatamu ama ti Nluku? Eriwaka kaari weekesa owaatuvelisa anaatamu, akaari wiiya karumeya wa Al-Masiihu.

1 Akorintiyu 7:22

Maana otule aari mwiitthwaana, khukhuweliwa nkatthi wa amini ti wootaphuliwa wa Mbwana, maana ti wa Mbwana. Khwa nanna ethiito, otule aari wootaphuliwa khukhuweliwa nkatthi wa amini mwiitthwaana wa Al-Masiihu.

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Meepereewu 11:6

Khweele, noohiina amini ntthu khanintuvelisa Nluku, khwa ethiito enihithajiya yoori otule antakhaaye omwaattama Nluku akhupali yoori ye owaapho na oniwenkha phakari apale aneekesaaye onjuwa saaneene.

Meepereewu 10:35

Apho mwihanswi nroromelo mwiriinaaye, onaaye phakari khuluyeene.

Ayeefezu 6:6

Khahiyo owaashututela amana eeya attaapho paasi yoori mwipatthe owaatuvelisa, ila mwirette zooshi mwaasa wa wiiya amwiitthwaana a Al-Masiihu, mwirettaka na rooho yenu matakhelo a Nluku.

Matewuzhu 5:46

Amana mwiwaaphetaka apale anuuphetaanini paasi, tthuvo ni mwineekeselaaye wiiyana? Anamariphisa lumpuru nayo anretta etthiipo!

Matewuzhu 5:12

Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

1 Akorintiyu 3:8

Otule anzalaaye na otule ankhuwaraaye ana shawuri moote, na wakhula ntthu onriphiwa khwa khiima ya khaazi yawe.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Matewuzhu 6:16

“Amana mwifuka, mwihithoonyeze wuuso wa huzuni nkhama anrettaazo manaafikhi, yo antta ozukulisa wuuso aya yoori atthu akina ajuwe yoori afuka. Miiyo kiniwuuzani khweele yoori, nooretta toowo apokhera tthuvo yaya.

Matewuzhu 6:5

“Na amana mwilompaka, mwihiiye nkhama manaafikhi. Yo owaatuvela weemela khusala alompa nsinakooka na ntarikhi, atakhaka yoori ooniwe pi akinoko aya. Miiyo kiniwuuzani khweele yoori, yo apokhera phakari yaya.

Mwanzo 15:1

Paata ya vitthu epile, Nnyizinku anttakhulaniye Eburamu nkatthi wa jozi amuuzaka yoori: “Eburamu ohoove! Miiyo ki namwaakisa awo, na phakari yawo enteela wiiya khuluyeene.”

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

Arooma 1:1

Miiyo Paawulu, karumeya wa Yinsa Al-Masiihu, kakhuweliwa yoori kiiye aswihaapa, kithawuliweeyo yoori kilaleye hapari zooshapweya za Nluku,

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Matewuzhu 10:41

Otule animpwekherelaaye napiyu mwaasa wa ye wiiya napiyu, ompwekhera tthuvo ya napiyu; otule animpwekherelaaye nashariya mwaasa wa ye wiiya nashariya, ompwekhera tthuvo ya nashariya.

Meepereewu 9:15

Tiito Al-Masiihu namasiilanisa woosiilana mpheya khwa apale akhuweliweeyo yoori apokherele eritho ahitiweeyo mileele, nkhama etthiipo ye afwiyeeyo ari nkhama swamiima ya koosa zirettikhaniyeeyo nkatthi woosiilana opule wamwanzo.

1 Akorintiyu 11:23

Maana kapwekherela wa Mbwana eti na miiyo kuusomisiyeeni yoori: Mbwana Yinsa, osikhu opule aazinkuliweeyo, aathuuliye phaawu,

1 Pheeturu 1:4

yoori neeyane erathi ehinaashikhaaye, yoohiina hatha nlepa na ehinthuwaaye fwayita yaya. Erathi etile epwehiweeyo pinkuuni yoori yiiye yenu,