Akoloosu 3:23 - Hapari Zooshapweya

²³ Zooshi mwinkholaaye, mwikhole khwa rooho yenu yooshi, nkhama mwininrumeyelaaye Mbwana, woohiiyi khwa anaatamu,

Akoloosu 3:23 Referans Kwoze

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

Arooma 14:8

Nkhama niri haayi, niri haayi khwa Mbwana, nkhama nanfwa, nanfwa khwa Mbwana. Etthiipo, hatha nkhama neetta ofwa, na atthu a Mbwana.

1 Pheeturu 2:15

Maana niiya ya Nluku mweeyo oretta saana, yoori mwinyamaze ohijaliwi wa alolo.

1 Pheeturu 2:13

Mwaasa wa Mbwana, mwishitahi ofwalume wooshi enkhiweeyo anaatamu; waaza mfwalume ariina yenzi khuluyeene,

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

Arooma 14:6

Otule anoonaaye siikhu yoori ena fwayita khwa Mbwana arette etthiipo. Otule anjaaye nyama khwa Mbwana aje, maana oninshukhurwela Nluku, na otule ahinjaaye khwa Mbwana ahije, na anshukhurwele Nluku.

Matewuzhu 6:16

“Amana mwifuka, mwihithoonyeze wuuso wa huzuni nkhama anrettaazo manaafikhi, yo antta ozukulisa wuuso aya yoori atthu akina ajuwe yoori afuka. Miiyo kiniwuuzani khweele yoori, nooretta toowo apokhera tthuvo yaya.

Ayeefezu 5:22

Aakha, mwiwaashitahi amanna zenu nkhama etthiipo mwininshututelaazo Mbwana.