Akoloosu 3:10 - Hapari Zooshapweya

¹⁰ na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.

Akoloosu 3:10 Referans Kwoze

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

2 Akorintiyu 5:17

Nakataalikha, amana ntthu eeya khwa Al-Masiihu, oniiya ntthu mpheya. Vitthu epile zaraku zavira; zooshi zaretteya opheeya!

Akoloosu 3:14

Khwa zooshi epo mwijiwalise pheta, maana ti ethiito ennikusanyaaye wookhaamilikhavo.

1 Yaahaya 2:5

Ila ntthu anshututelaaye mattakhuzi awe, oto khweele pheta ya Nluku yankamilikhela vakatthi vawe. Khwa ethiito, ninjuwa yoori niri khwa ye:

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

1 Yaahaya 2:3

Onjuwa weetthu Yinsa onjuweya amana nishututela oruma wawe.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Othoonyeziwa 21:5

Otule eekhaliyeeyo va khukulu khuri: “Kinretta opheya vitthu zooshi!” Khweekezela alupaka yoori: “Waatikhe eti, maana mattakhuzi apa pi a haakhi na ansuhaaye waamineya.”

Ayeefezu 2:15

Eeshisha na mwiili awe kano za oruma khwa nanna yoolotteya, yoori oowiiri ajirette ontthu mpheya eettettisaka heeri,

Akaalata 6:15

Maana okhiriya, wala ohikhiriyi, khina fwayita. Eriina fwayita wiiya yumpe pheeya.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

Arooma 13:12

Osikhu onsaleela wiisha; nthana ori kharipu. Nakataalikha nilikhe khaazi za n'yiiza na nijiwalise zaana za nnuuru.

Akaalata 3:27

Maana mooshi mweeyo moosiweeyo khwa Al-Masiihu, mwanwala Al-Masiihu.

Meepereewu 6:6

ila khwanswi amini, khiniwaheya orutiseliwa othupwiya, maana aninkhomela opheya Mwaana wa Nluku anveyisaka vamwanttiwa.

Mwanzo 5:1

Eti warakha ya ojama wa Adamu. Wakathi Nluku amumpiyeeyo pinaatamu, amumpiye khwa wumpo awe.

Arooma 6:4

Nakataalikha nazikhaniwa ye muufwa khwa njampo la woosa, yoori, nkhama etthiipo Yinsa asisimuwiyeeyo muufwa khwa siifwa ya Paapa, na fweeyo niikhale khwa ohaayi mpheya.

2 Akorintiyu 4:16

Tiito nihittettheye, hatha nkhama mwiili eetthu ontta ojeya, rooho yeetthu envira elanseleyaka siikhu zooshi.

Filimooni 1:6

Kinlompa yoori osiilana wa amini yawo oretteye wiiya wa wooneya saaneene khwa ojuwa zooshi zooshapweya niriinaazo khwa Al-Masiihu.