Akoloosu 2:4 - Hapari Zooshapweya

⁴ Miiyo kiniwuuzani epo yoori ahiiyevo antakhaaye wuuhatani na mattakhuzi olattanana oshapweya.

Akoloosu 2:4 Referans Kwoze

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Matewuzhu 24:4

Yinsa khuwaajipu yoori: “Phoole, ahiiyevo anttelaaye wuuhatani.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Othoonyeziwa 20:8

na onlawa asaruwe yoori ahate khapila zooshi ziriiye phantte nne za tuniya, oto ti Kookhe na Makookhe, mwaasa wa okusanyeya yoori oomanise. Anttela waatta nkhama mishaka za mmattima.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

2 Timootiyu 2:16

Owerawere nyaasa zoohiina fwayita na zohankawaani, maana apale anrettaaye epo zaya anjeettana tarikhi ya okaafiri.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

Othoonyeziwa 20:3

khumweeselela nkhilintti, khunfukela nlako na khumparisa ephariselo, yoori ankhattaze ottettekha khapila, mpakha ziishe nyaakha epo alufu. Nawiisha, onlawa afukuliwe khwa wakathi vattitthiiru.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

1 Yaahaya 2:26

Kiniwaatikhelani vitthu epi monkoni wa apale antakhaaye wuuthowelelisani.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

1 Akorintiyu 2:4

Hapari zaka na tafusiiri zaka khinlankha nkatthi wa mattakhuzi a akhili otakha wuushinttanani, ila zinlankha khwa othoonyeziwa wa owahi wa Rooho ya Nluku,

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Ayeefezu 4:17

Na kiniwuuzani khwa nzina la Mbwana yoori: mwihiiye nkhama amalapo, maana wuupuwela waya khuna fwayita.