Akoloosu 2:2 - Hapari Zooshapweya

² Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 2:2 Referans Kwoze

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 4:8

Miiyo kinuuperekhezani mweeyo haaswahaaswa yoori mwijuwe zooshi zinnivirelaazo na yoori ye ookhomaazeni nroho mweenu.

Ayeefezu 6:22

Ye kanruma ota okho mwiriiwo yoori ate oojuwiseni khiima kiriizo na ataaka wuulipiselani.

Akoloosu 3:14

Khwa zooshi epo mwijiwalise pheta, maana ti ethiito ennikusanyaaye wookhaamilikhavo.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Afiliipu 3:8

Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu

Afiliipu 2:1

Nkhama niri vamote na Al-Masiihu na fweeyo ninaaye olipiseliwa, na otumereliwa wa pheta, na osiilana wa Rooho, na mahapa a huruma,

2 Pheeturu 1:3

Owahi wawe onlankhaaye pinkuuni onninkha wakhula etile ninhithajiyaaye yoori niiyane meekhazi a emaani vakatthi wa ojuwa wooshi wa otule anikhuweliyeeyo, khwa siifwa yawe mweenyewe na okemaani.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Yaahaya 10:30

Miiyo na Paapa na amote.”

Yaahaya 6:69

Fweeyo ninkhupalela na ninjuwa yoori o Ttakatthiifu wa Nluku.”

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Meepereewu 6:11

Apho ennituvela yoori wakhula mmote wa mweeyo ajithoonyeze wiiya woolikana mpakha mwiisho, yoori mwiiyane nroromelo khaamili,

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

1 Akorintiyu 2:12

Ila fweeyo khanipwekhereleeni rooho ya olumwenku otthuupu, ila Rooho enlankhaaye wa Nluku, yoori eneeleye vitthu Nluku anninkhaaye mahala.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 16:15

Zooshi Paapa ariinaaye pi zaka, tiito kilupiyeeyo yoori Rooho Ttakatthiifu nka epokheraka etile yiiyiye yaka na owuuzani mweeyo.

Yaahaya 10:38

Ila nkhama kinretta, hatha nkhama khamwinkikhupali miiyo, mwikhupalele khaazi ethiito, yoori mwiwahi ojuwa na oweeleyani yoori Paapa ori vamote na miiyo na miiyo kiri wa paapa.”

Yaahaya 5:23

yoori ooshi anshitahi Mwaana nkhama aninshitahaazo Paapa. Otule ahininshitahaaye Mwaana khaninshitahi Paapa otule anrumiyeeyo.

Yaahaya 5:17

Ila Yinsa khuwooza yoori: “Paapa ontta okhola khaazi mpakha leelo, na miiyo kintta okhola.”

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

Zaapuura 133:1

Moone nanna enshapweyaazo na otuva amana attwi eekhalaka vamote na osiilana!

1 Yaahaya 5:7

Owaapho oshaahiti mittatthu:

1 Yaahaya 3:19

Toono nintta ojuwa yoori fweeyo na atthu a haakhi, na rooho zeetthu ziniiya za wiitthaala vakatthi vawe ye;

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,

1 Atizaloonika 5:14

Ninuutumerelani mweeyo attwiizetthu, yoori mwiwaahirimize anamaviliwa, mwiwaalipisele apale ooshokhera, na mwiwaawuni apale ootteettheya, mwiwaavilele atthu ooshi.

1 Atizaloonika 3:2

na etthiipo, khunruma Timootiyu, ttwiiyetthu na nakhaazi wa Nluku khwa hapari zooshapweya za Al-Masiihu, yoori ookhomaazeni na wuuthuzani nkatthi wa amini,

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Luuka 1:1

Oo Tiyoofilu woohishimwiwa, atthu awaatta ajilipisa waatikha hatiithi ya vitthu ziviriyeeyo vakatthi veetthu.

Arooma 2:4

Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

1 Akorintiyu 14:31

Maana mooshi mweeyo mwinwahi otafusiri, wakhula mmote khwa zwaamu yawe, khwa nanna yoori mooshi mwiiye woonozeleya na woolipiseleya.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 3:3

Nluku akithoonyeza shawuri zawe za siiri na khukitakhela yoori kijuwe, nkhama etthiipo kiwaatikheliyeenini khwa mattakhuzi vattitthiiru.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Akoloosu 1:26

siiri etthiipo zaari zoovitheya raku na khwa khapila, ila aphano athoonyeziwa attakatthiifu awe.

Akoloosu 2:19

Ntthu nkhama toowo attuwanana Al-Masiihu otule eeyiyeeyo eeshwa, khwa ethiito mwiili wooshi, onleliwaaye na onkusanyiwaaye khwa phantte zoofwarikhana, entana owula Nluku aninkhaaye.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.