Akoloosu 1:29 - Hapari Zooshapweya

²⁹ Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 1:29 Referans Kwoze

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

Ayeefezu 1:19

na miiyo kinlompa yoori mwijuwe nanna ohinlikananiwaayo owula wa owahi ariinaaye khwa fweeyo nikhupaliyeeyo, nkhama etthiipo onkholaazo khaazi vakatthi veetthu khwa owahi wa kuvu zawe.

Ayeefezu 3:7

Khwa hapari zooshapweya etthiipo, karetteya wiiya nakhaazi khwa tthuvo ya rehema ya Nluku, akinkha khwa kuvu za owahi ariinaaye.

Afiliipu 2:13

Maana Nluku ti ankholaaye khaazi nkatthi mweenu yoori mwishututele niiya yawe waaza nwuupuwela mpakha muuretta.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Akoloosu 2:1

Kintakha yoori mweeyo mwijuwe saaneene khwa khiima kinjilipisaazo zwaamu yenu mweeyo na khwa apale ariiye Lawotiseeya na apale ooshi ahinkijuwaaye kimweenyeweene.

2 Atizaloonika 3:8

Wala khanijeeni hatha etthu ya ntthu khuhiriphi. Olikha toowo, nakhola khaazi venkivene na oshokhera, osikhu na nthana, yoori nihiwantipuni mweeyo.

1 Atizaloonika 2:9

Attwiizetthu, weekhweele mweeyo mwinfikhiri khaazi yoolipa nikholiyeeyo woohishokheri vakatthi venu. Maana naari okhola osikhu na nthana, yoori nihimwantipu hatha ntthu wakathi naari olaleyaavo hapari zooshapweya za Nluku khwa mweeyo.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Afiliipu 2:16

mwiwaafiselaka nttakhuzi la ohaayi. Yoori siikhu antaavo Al-Masiihu kijikhutupule, mwaasa wa ohijanjeli mahala na wala ohijilipisi mahala.

1 Akorintiyu 12:11

Nakataalikha, vitthu zaya epo zooshi zinrettiwa khwa Rooho moote ethiito paasi, na ye enimwaawanyela wakhula ntthu, khwa nanna entakhaazo.

Arooma 15:20

Wakhula siikhu karetta thenke ya otafusiri hapari zooshapweya ohali Al-Masiihu ahaari ojuwiwaawo, yoori kihikhomaaze vatulu wa nchina la akinoko.

Othoonyeziwa 2:3

Mweeyo mwina nthiti na ovilela muuhoowa mwaasa wa nzina laka, na wala khamwikayireeni.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Afiliipu 1:30

Nkhama etthiipo mwinuumanaaye viittha ethiito mwikooniyeeyo kuumanisaka na mwinsiila yoori nalelo kintta wuumana.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Ayeefezu 3:20

Otule ariina makhaamu ooretta zooshi zawaatta venkivene, zayita epile ninvekaazo ama ninuupuwelaazo khwa owahi onkholaaye khaazi vakatthi veetthu,

2 Akorintiyu 13:3

Enooneya yoori mweeyo mwintta oveka wootootiwa yoori Al-Masiihu attakhule khwa miiyo. Ye khahiyo woottettheya khwa wuutthanttani mweeyo, ila ti wa owahi vakatthi venu mweeyo.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 6:5

khwa ojaphiwa, ofukiwa, na nzuuzu, khwa khaazi za nkuumu, ohilali osikhu, ofuka,

2 Akorintiyu 5:9

Tiito, ninaaye niiya ya otakha ontuvelisa, hatha nkhama na mwiili opu, hatha nkhama neetta olikha.

1 Akorintiyu 12:6

Ewaapho nanna ya ofwarikhana khwa okhola khaazi, ila Nluku mmote othuuto ti anrettaaye zooshi khwa atthu ooshi.

Arooma 15:30

Miiyo kinuuvekelani attwiizaku, khwa Mbwana Yinsa Al-Masiihu na khwa pheta ya Rooho Ttakatthiifu, yoori muumane vamote na miiyo nkatthi wa lompa ya Nluku khwa zwaamu yaka.

Luuka 13:24

Yinsa khunjipu araka: “Mwijilipise yoori mwivire vanlako woophunyeya, maana awaatta anlawa eekese ovira ila khanteela owahi.

Meepereewu 12:4

Khwa wuumanana twampi, nalelo khamwinavilele mpakha ofiyelela oshuluula taamu yenu.

Akoloosu 2:12

Epo zarettikhana paata ya mweeyo ozikhaniwa Al-Masiihu khwa njampo la woosa, na mwasisimuliwa na ye khwa amini ya owahi wa Nluku opule onsisimuliyeeyo muufwa.