Akoloosu 1:15 - Hapari Zooshapweya

¹⁵ Ye ratarato ya Nluku woohooneyi, omwanzo wa vitthu zooshi za wumpiwa.

Akoloosu 1:15 Referans Kwoze

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Yaahaya 14:9

Yinsa khunjipu yoori: “Filiipe, kiikhaliyeezo wakathi mwinkeene na mweeyo; nalelo khunikijuwa? Otule akooniye miiyo amoona Paapa. Khi onlupa toovi yoori: ‘Onithoonyeze Paapa’?

Yaahaya 1:1

Omwanzo laari Nttakhuzi. Nttakhuzi laari vamote na Nluku na Nttakhuzi laari Nluku.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Afiliipu 2:6

Eeyiyeru pure Nluku, khuhijooni wiiya sawasawa na Nluku yaari etthu aari otakhaaye okholelela,

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

1 Timootiyu 1:17

Apho, Mfwalume wa mileele attottopeliwe na asifwiwe siikhu zooshi, Ye ahinifwaaye wala ahinooneyaaye, Nluku mmote othuuto. Amiina!

Othoonyeziwa 3:14

“Khwa ojama wa Nluku wa Lawotiseeya waatikhe yoori: Apa mattakhuzi a Amiina, oshaahiti wa waamineya na wakhweele, mfwalume nwulu wa wumpa wa Nluku.

Meepereewu 1:6

Aphano wakathi amperekhiyeevo mwanawe wa omwanzo voolumwenku, khulupa yoori: “Malayikha ooshi a Nluku amwaaputu.”

1 Timootiyu 6:16

Ye otthwe khanfwa na oniikhala nnuuru ehinaattameyaaye, khina anamoone, wala anwahaaye omoona. Ottitthimisiwa wiiye wawe na owahi khwa mileele. Amiina.

Yaahaya 15:24

Eriwaka akeettiye oretta vitthu vakatthi vaya ahinwahaaye oretta ntthu nkina, yo khaari wiiyana paathuli ya twampi. Ila yo oona epi kirettiyeezo na khusala akhanyarela wiiphiiriwa ti miiyo na Paapa.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Akoloosu 1:13

Ye anikaphula nkatthi wa oshintta wa yiiza khunittha muufwalume wa Mwanawe wompheta wawe,

Meepereewu 11:27

Khwa amini ethiito ye khulaawo Misuri woohoovi katapu ya mfwalume; ye khwiiya wookhomaala, nkhama aari omoonaaye Nluku woohooneyi.