Akoloosu 1:10 - Hapari Zooshapweya

¹⁰ Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Akoloosu 1:10 Referans Kwoze

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

1 Yaahaya 3:22

na wakhula etile nininvekelaaye ye nimpwekhera, maana ninshututela oruma wawe na ninretta etile enintuvelaaye.

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

Yaahaya 15:8

Paapa onsifwiwa mwaasa wa mweeyo wiima mishumo zawaatta, etthiipo enthoonyeza yoori mweeyo mwa anakhiyoni aka.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

2 Pheeturu 1:8

Maana makhaamu mwintakhaaye wiiyana pi apa. Amana mwiiyana na khuretta yoori eekezeleye, mwiniiya okhomaala na mwinteela wiima vitthu zawaatta zooshapweya mwaasa wa fwayita ya ojuwa wooshi mwiriinaaye khwa Mbwana eetthu Yinsa Al-Masiihu.

Akoloosu 2:6

Nakataalikha, nkhama etthiipo mweeyo mwimpwekhereliyeeyo Yinsa Al-Masiihu Mbwana, mwiikhale khwa osiilana na ye,

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

Akoloosu 4:5

Mwiiye a akhili khwa menttezi enu khwa atthu apale a oje; nrumeyele channu wakhula kiphenyo mwimpatthaaye.

Ayeefezu 5:15

Mwiiyane phoole na menttezi enu, mwihiikhale nkhama alolo, ila mwiikhale nkhama anaakhili,

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

2 Akorintiyu 2:14

Attitthimisiwe Nluku, anneettettisaaye wakhula siikhu wooshinttavo khwa Al-Masiihu, othuuto khwa fweeyo amwazela puuro zooshi na arufu ya ojuwa wawe.

Arooma 6:4

Nakataalikha nazikhaniwa ye muufwa khwa njampo la woosa, yoori, nkhama etthiipo Yinsa asisimuwiyeeyo muufwa khwa siifwa ya Paapa, na fweeyo niikhale khwa ohaayi mpheya.

Ayeefezu 5:10

Na mwijinozele othawula etile enintuvelaaye Nluku.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Tiitu 3:1

Owaakupusele attwi ooshi yoori ana ya owaashututela apale alokozeliyeeyo na afwalume, eeye anamashututi oolikana, anamaretta zooshapweya wakhula wakathi,

Akoloosu 3:20

Mweeyo aana, mwiwaasiileze apapazenu khwa zooshi, maana eto enintuvela Mbwana.

Ayeefezu 4:13

Mpakha fooshi nifiyelele okusanyeya wa amini na onjuwa saaneene Mwaana wa Nluku, yoori niwahi okhomaala nifiyelelaka okhamilikha khwa Al-Masiihu.

Meepereewu 11:5

Khwa amini, Enookhi etta woophaziwa yoori ahootele ofwa, “khuhipattikhani, maana Nluku eettiye omphaza”. Ila ahinaphaziwe aapwekheriye oshaahiti wa oretta etile Nluku aatakhiyeeyo.

2 Timootiyu 2:4

Khaavo najanka mmote anjilikhelelaaye othuuliwa pi zanshara za meekhazi ootakhala, maana ye ontakha ontuvelisa namalokozela otule anthawuliyeeyo olawa ovittha.

Akoloosu 2:19

Ntthu nkhama toowo attuwanana Al-Masiihu otule eeyiyeeyo eeshwa, khwa ethiito mwiili wooshi, onleliwaaye na onkusanyiwaaye khwa phantte zoofwarikhana, entana owula Nluku aninkhaaye.

Afiliipu 4:18

Kapwekhera zooshi, kapattha zooziti ofiyela. Kinaaye zooshi kinihithajiyaayo, paata ya Epaforotiitu okitiisela vitthu epi mwiperekhiyeeyo, epo zaya ziri nkhama mafuttha oonukhela awinkhiwa Nluku, twaha ankhupalelaaye na enintuvelaaye.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

2 Akorintiyu 9:8

Na Nluku ti wa owahi khwa oretta yoori rehema yooshi mweekezeliwe, yoori khwa vitthu zooshi na wakathi wooshi, wiiyana zooshi enihithajiyaaye, yoori mwirette wakhula nanna ya khaazi yooshapweya.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Arooma 4:12

Ye theenya paapa wa apale ookhiriya aheetteeni okhiriya paasi ila na theenya aneettettisaaye mwentto wa amini aariinaaye papeetthu Eburahiima ahinakhiriye.

Arooma 1:13

Kintakha mweeyo attwiizaku mwijuwe yoori kaaza raku owaza shawuri za oteela owoonani, ila khusala kitapwateliwa mpakha apha. Niiya kiriina otakha wuurula mishumo vakatthi venu mweeyo, nkhama kinuurulaazo vakatthi wa amalapo akina aya.

2 Akorintiyu 5:9

Tiito, ninaaye niiya ya otakha ontuvelisa, hatha nkhama na mwiili opu, hatha nkhama neetta olikha.

3 Yaahaya 1:6

Yo ooza ojama wa Nluku monkoni wa pheta yawo ethiito. Safwatali, owaawuni atthu apo avire alawaka safwari yaya khwa nanna enintuvelaazo Nluku.