Akaalata 6:14 - Hapari Zooshapweya

¹⁴ Ila miiyo kinteela ojitayitela nsalapa wa Mbwana eetthu Yinsa Al-Masiihu paasi, maana, khwa nsalapa, olumwenku wakifwela miiyo na miiyo kafwela olumwenku.

Akaalata 6:14 Referans Kwoze

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

1 Akorintiyu 2:2

Maana kajilakelela ohijuwi hatha etthu vakatthi venu, woohiiyi Yinsa Al-Masiihu otu akhomeliweeyo.

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

1 Akorintiyu 3:21

Nakataalikha, ahiiyevo ntthu woojikhupali khwa anaatamu, maana vitthu zooshi pi zenu,

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

2 Akorintiyu 11:12

Na kinrutela oretta etile kinrettaaye, yoori kihiwinkhe ruhusa apale antakhaaye opattha kiphenyo ya wooniwa wiiya sawasawa na fweeyo, khwa vitthu anjishashawulanaaye.

Luuka 20:16

Ye ontta ota awoole anamalima apale, nshapa ntthile awenkhe atthu akina.” Atthu apale aariivo noosiila mattakhuzi apale khulupa yoori: “Zihirettikhane vitthu epo!”

Akaalata 2:17

Ila nkhama na fweeyo nineekesa ohakikhiwa ti Al-Masiihu, najijuwa yoori na anatwampi, talili enlupa yoori Al-Masiihu waziri wa twampi? Wala, hatha vattitthiiru!

Akaalata 2:19

Maana miiyo akiniikhala khwa kano, ila kafwa vakatthi wa kano, yoori kiiyane meekhazi khwa Nluku.

Akaalata 3:21

Niri talili eto enlupa yoori kano enuumanana ahiti ya Nluku? Hatha vattitthiiru! Maana eriwaka yeettiye wiiyavo kano eriina owahi wa winkha ohaayi, aphano ohakikhiwa wa ntthu waari weettela olankha nkatthi wa kano ethiito.

Afiliipu 3:18

Maana, nkhama etthiipo kilupiyeezo swaafu za waatta, na apha kinrutela na mishozi, yoori awaapho awaatta aniikhalaaye nkhama maatuwi a nsalapa wa Al-Masiihu.

Akoloosu 2:20

Etthiipo mwifwiyeeyo khwa Al-Masiihu mwafwa khwa yaazo yoolankha voolumwenku attaapha, mwihiikhale nkhama atthu a voolumwenku, mwisiilezaka nyiikho zaya epi: