Akaalata 5:21 - Hapari Zooshapweya

²¹ nrima; ohapaliwa, osokho, na vitthu kiina zoolattanana etthiipo. Kiniwiinanelani nkhama kirettiyeezo swaafu kiina yoori apale anrettaaye vitthu epo khanteela opokherela ofwalume wa Nluku.

Akaalata 5:21 Referans Kwoze

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Ayeefezu 5:18

Mwihinywe viinyu. Ohapaliwa ontotha pala, ila mwilikhe Rooho Ttakatthiifu ewiitaaleni.

1 Akorintiyu 5:11

Ila nasaapi kiniwaatikhelani yoori mwihiiye wookusanyeya na wakhula otule anjilupezaaye wiiya ttwi, ila arettaka khaapa twayifu, namakhwiririwa, namwaaputu sanamu, mmwanomwaano, nanhapaliwa ama nantarawu. Atthu aya apo wala mweeyo mwihijane.

Othoonyeziwa 21:27

Mpho khinteela weettamo hatha etthu yoohifwayi, wala ntthu anrettaaye etile yoopattisa haaya ama yoohata, ila paasi apale mazina aya aatikhiweeyo nkithaapu ya ohaayi wa Pwittipwitthi.

1 Pheeturu 4:3

Maana raku mwaharipu wakathi mwinkeene mwirettaka epile eniwaatuvelaaye makaafiri. Wakathi aya opule mwaari wiikhala nkatthi wa khaapa twayifu, tuvela za onaatamu, ohapaliwa, osokho, majampo ohapaliwiwa na waaputu sanamu.

Akoloosu 3:6

Mwaasa wa vitthu etthiipo, enta katapu ya Nluku khwa apale aniikhalaaye nkatthi wookhijili.

1 Atizaloonika 5:7

Maana apale anlalaaye, anlala osikhu, na apale anhapaliwaaye, anhapaliwa osikhu.

1 Akorintiyu 15:50

Attwiizaku, miiyo kiniwuuzani mweeyo yoori mwiili na taamu khinwahi orithi ofwalume wa Nluku na etile enfwaaye khinrithi etile ehinfwaaye.

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Meepereewu 13:4

Harusi ena ya ottitthimisiwa pi atthu ooshi; amanna na aakha eeye awaaminana mmote na nzaawe; maana Nluku onteela owaaphuka ajafu na anamararuwa.

2 Atizaloonika 2:5

Khamwinfwahamu yoori wakathi miiyo kaari na mweeyo koozoweziyeni owuuzani vitthu zaya epo?