Akaalata 5:13 - Hapari Zooshapweya

¹³ Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Akaalata 5:13 Referans Kwoze

1 Pheeturu 2:16

Mwiikhale nkhama atthu ootaphuliwa, ila mwihirumeyele otaphuliwa nkhama nswammaha wa orettana vitthu zootakhala; ila mwiikhale nkhama akarumeya a Nluku.

1 Akorintiyu 9:19

Maana, keeyaru pure wootaphuliwa khwa atthu ooshi, kajiretta omwitthwaana wa atthu ooshi, yoori kipatthe thamani ya atthu awaatta amana ewaheya.

1 Akorintiyu 8:9

Khwa zooshi, mwiiyane phoole yoori otaphuliwa weenu ohiretteye wiiya etthu ya owaakwakwanttula apale oottettheya.

Akaalata 5:14

Maana kano zooshi zakhusanyeya khwa oruma mmote: “Omphete namwaattamanani awo nkhama etthiipo onjiphetaazo omweenyewe.”

Ayeefezu 5:21

Mwisala mwishututelana wakhula ntthu na nzaawe mwaasa wa shitaha mwiriinaaye na Al-Masiihu.

Akaalata 6:2

Mwaawunane mmote na nzeenu khwa etthiipo phi mwinshututelaavo kano za Al-Masiihu

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

2 Pheeturu 2:19

Awaahitaka atthu otaphuliwa, ila yo ari amwiitthwaana a vitthu zootakhala, maana ntthu oniiya mwiitthwaana wa etile eninshinttaaye.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

Khaazi 20:35

Zooshi kirettiyeezo, miiyo koosomisani yoori khwa khaazi zoolipa nina ya owaawuni apale oothowiwa, nifikhirelaka mattakhuzi apale alupiyeeyo Mbwana Yinsa yoori: ‘Wooparikhiyiwa ti otule aninkhaaye zayita otule aninkhiwaaye.’ ”

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Akaalata 4:22

Maana yaatikhiwa yoori Eburahiima aarina aana awiri, mmote wa njaazi nkina wa muukha awe wootaphuliwa.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

2 Akorintiyu 12:15

Etthiipo khwa niiya yooshapweya, khwa pheta yenu mweeyo, kaari oharipu zooshi kiriina na ojikukhumula kimweenyewe. Mwaasa wa wuuphetani nakuvu, na mweeyo mwina ya okipheta.

2 Akorintiyu 3:17

Maana, Mbwana Rooho na vahali eniiyavo Rooho ya Mbwana apho vaya oniiyavo otaphuliwa.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Akaalata 5:1

Al-Masiihu anitaphula yoori niiye wootaphuwa. Nakataalikha mwiiye ookhomaala, mwihijirutisele opheya nkatthi wa mapwattha oovitthwaana.

2 Akorintiyu 2:8

Nakataalikha, miiyo kinuuvekelani yoori mwithoonyeze pheta yenu mwiriina khwa ye.