Akaalata 5:1 - Hapari Zooshapweya

¹ Al-Masiihu anitaphula yoori niiye wootaphuwa. Nakataalikha mwiiye ookhomaala, mwihijirutisele opheya nkatthi wa mapwattha oovitthwaana.

Akaalata 5:1 Referans Kwoze

2 Akorintiyu 3:17

Maana, Mbwana Rooho na vahali eniiyavo Rooho ya Mbwana apho vaya oniiyavo otaphuliwa.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

1 Pheeturu 2:16

Mwiikhale nkhama atthu ootaphuliwa, ila mwihirumeyele otaphuliwa nkhama nswammaha wa orettana vitthu zootakhala; ila mwiikhale nkhama akarumeya a Nluku.

Arooma 6:14

Maana twampi khinteela wuushinttani theenya mweeyo, mwaasa mweeyo khamwiri vathi wa kano, ila vathi wa rehema.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

Akaalata 4:9

Ila Nluku onuujuwani mweeyo ama mweeyo mwinjuwiwa ti Nluku, mwinri toovi theenya mwirutelaka owahi waari olokozelaaye olumwenku, woottettheya na wohiina owahi? Wekhweele mwintakha orutela theenya wiiya aviitthwaana a otthuupo?

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Akaalata 4:31

Nakataalikha, attwiizaku, fweeyo khayi na aana a njaazi, na aana a otule wootaphuliwa.

Othoonyeziwa 3:3

Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.

2 Pheeturu 2:19

Awaahitaka atthu otaphuliwa, ila yo ari amwiitthwaana a vitthu zootakhala, maana ntthu oniiya mwiitthwaana wa etile eninshinttaaye.

1 Akorintiyu 16:13

Mwiiye woojeekesela, mwikhomaale nkatthi wa amini, mwiiye atthu ominyala, mwiiye ookhomaala.

Arooma 7:6

Ila nasaapi, nifwelaka etile raku yaanifukiyeeyo, nataphuliwa nkatthi wa kano, yoori ninrumeyele Nluku khwa nanna pheeya ya Rooho na woohiiyi nanna ya mwentto opule wa raku wa kano zawaatikhiwa.

Arooma 6:18

Mweeyo mwataphuliwa ntwampi, na mwaretteya wiiya amwiitthwaana a shariya.

Khaazi 15:10

Aphano khi niini mweeyo mwintakhelaaye omotoota Nluku, mwiwaattikhaka anakhiyoni mapwattha hatha fweeyo aya wala amarehemu apaapa zeetthu ahakhitiriyeeyo?

1 Akorintiyu 7:22

Maana otule aari mwiitthwaana, khukhuweliwa nkatthi wa amini ti wootaphuliwa wa Mbwana, maana ti wa Mbwana. Khwa nanna ethiito, otule aari wootaphuliwa khukhuweliwa nkatthi wa amini mwiitthwaana wa Al-Masiihu.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Ayeefezu 6:14

Khwa etthiipo, mwiiye woolikana, mwiwale nzako wa haakhi, na mwiwale jaketa ya shariya.

Othoonyeziwa 2:25

ila paasi mwikholele woolipaneyavo epo mwiriinaazo mpakha miiyo ota.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

2 Atizaloonika 2:15

Nakataalikha attwi, mwiiye ookhomaala na okholelela menttezi mwisomisiweeyo mweeyo, waaza mattakhuzi apale mwisiiliyeeyo, ama a warakha zeetthu.

1 Atizaloonika 3:8

Aphano fweeyo ninjonana ohaayi mwinkeene maana ninjuwa yoori mweeyo mwiri woolipalipa khwa Mbwana.

Akaalata 4:26

Ila Yeruzaleemu eti ya otulu ti yootaphuliwa, ethiito yiiyiyeeyo maama wa fooshi fweeyo.

Akaalata 3:25

Aphano etiyeevo amini, khaniri nkatthi waweettettisiwa ti kano.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

Matewuzhu 23:4

Yo anfuka maphuta oolemela na owaattikha atthu mmafuzi, ila yo khantakha hatha oshashula na yaala.

Arooma 7:3

Tiito, amana muukha araliwa ti nlume nkina nalelo mannawe ari haayi, ontthanttiwa nkhama namararuwa. Ila mannawe amana afwa, ye oniiya wootaphuliwa khwa kano etile na hatha nkhama eetta oraliwa ti nlume nkina, khantta oraruwa.

Arooma 8:15

Maana mweeyo khamwipokhereeni Rooho yawuurettani oviitthwaana yoori mwirutele woova theenya, ila mwapokhera Rooho yuurettiyeenini wiiya aana khwa wuukaphulani, ethiito ninkhuwelaaye yoori “Aba, Paapa.”

2 Akorintiyu 11:20

Wekhweele, mweeyo mwiniwaavilela mpakha apale anuuhukhumwaanini, ama anuttapwatthaanini, ama otule anjikhutupulaaye, ama anvulalisaaye wuuso enu.

Luuka 5:38

Viinyu pheeya entthiiwa nttompwiyo pheeya.