Akaalata 3:29 - Hapari Zooshapweya

²⁹ Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

Akaalata 3:29 Referans Kwoze

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Akaalata 3:7

Nakataalikha mwijuwe yoori ooshi apale ariina amini aana a Eburahiima.

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.

Akaalata 4:7

Toowo weeyo khahi omwiitthwaana theenya, ila o mwaana, na apho wiiyiyeeyo mwaana, Nluku ooretta onamarithi.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

2 Akorintiyu 10:7

Mweeyo mwinoona vitthu oje waya paasi. Nkhama ntthu onkhupalela yoori ti wa Al-Masiihu, ona ya ojoona opheya mweenyewe yoori etthiipo eeyiyeeyo wa Al-Masiihu na fweeyo theenya na a Al-Masiihu.

Meepereewu 6:17

Tiito, Nluku wakathi aatakhiyeeyo owaathonyeza wawooneyavo khwa anamarithi a ahiti yoori khaari ozukulisa matakhelo awe, khulupa khwa olapha,

Akaalata 3:16

Nkhama etthiipo amwahitiyeeyo Eburahiima na ojama awe. Nttakhuzi la Nluku khalilupeeni yoori “na ajamaaze” nkhama liniwaalupaaye atthu awaatta channu, ila “na ajamaaze”. Eto enthoonyeza yoori laari onlupa ntthu mmote, Al-Masiihu.

Meepereewu 11:18

Nluku aamuziyeru pure yoori: “Vakatthi wa Esiyaakha ti enttelaaye opuwa ojama awo.”

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

1 Akorintiyu 15:23

Ila wakhula mmote khwa zwaamu yawe: mwanzo Al-Masiihu, amana ye ata awaasisimule apale eeyiyeeyo awe.

Matewuzhu 3:9

Khahiyo olupa yoori: ‘Eburahiima ti papeetthu,’ ila miiyo kiniwuuzani yoori, khwa liwe ntthi Nluku onwahi owaattala aana a Eburahiima.

Akaalata 3:18

Maana nkhama eritho empuwa nkatthi wa kano, toowo khinlankha nkatthi wa ahiti; ila etile Nluku amwinkhiyeeyo Eburahiima, aamwinkhiye maana eettiye omwaahiti.

Akaalata 4:1

Kiniwuuzani theenya yoori, namarithi, amana eeya nsimaana khanfwarikhana na mwiitthwaana, oniiyaru pure mweenyewe zooshi

Akaalata 6:16

Heeri na tthakaraka ti yiiye na apale aneettettelaaye mwentto otthuupo, theenya khwa Ezirayiilu ya Nluku.