2 Kintakha ojuwa etthu moote khwa mweeyo: Rooho Ttakatthiifu mwapokherela mwaasa wa oshututela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?
Epo zaretteya yoori parakha etile Nluku amwaahitiyeyo Eburahiima ewaafiyele amalapo khwa Yinsa Al-Masiihu, yoori khwa amini nipokhere Rooho Nluku ahitiyeeyo.
Nluku, anjuwaaye rooho za atthu ooshi, alaza oshaahiti wa owaakhupalela yo, awiishushelaka Rooho Ttakatthiifu nkhama etthiipo na fweeyo anishusheliyeeyo.
Otule aniwinkhaanini Rooho Ttakatthiifu na oretta minjuza khwa mweeyo onretta vitthu zaya epi khwa olottela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?
Nluku naye alawela oshaahiti vakatthi wa alama, minjuza, vitthu zootikinisa nanna zene na tthuvo ya Rooho Ttakatthiifu eperekhiweeyo khwa matakhelo awe.
Yo, noofiya, khuwaalompela atthu aya apale yoori apokherele Rooho Ttakatthiifu.
Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.
Moone khinwaheya, khwa apale swaafu moote amwasikheliweeyo na khootela tthuvo ya pinkuuni, khupwekhera Rooho Ttakatthiifu,
Maana khwa hapari zooshapweya ti enjithoonyezaaye shariya ya Nluku khwa amini, nkhama yaatikhiweezo yoori: “Nashariya oniikhala khwa amini.”
Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.
Maana, nkhama ntthu ootafusirelani mweeyo Yinsa nkina woohiiyi otule nuutafusireliyeenini, ama nkhama mwimpwekherela rooho yoofwarikhana na etile mwipwekhereliyeeyo, ama hapari zoofwarikhana na epile mwikhupaliyeeyo, mwinlottela wookhweyavo.
Khwa apale ahina kano, kajiretta wiiya woohiina kano, hatha nkhama keetta ohitaphuliwi khwa kano ya Nluku ila vathi wa kano ya Al-Masiihu, yoori kiwaapatthe apale aniikhalaaye ahina kano.
Mweeyo mwa alolo venkivene! Mwaaza khwa Rooho Ttakatthiifu, aphano mwintakha wiishelana kuvu zenu mweenyewe?
Maana natafusireliwa hapari zooshapweya etthiipo atafusireliweezo yo, ila hapari epo asiiliyeeyo khattheleeni fwayita, maana khalokoziweeni ti amini apale asiiliyeeyo.