Akaalata 3:17 - Hapari Zooshapweya

¹⁷ Etthu kinlupaaye tiiti: Nluku omwanzo aretta osiilana. Kano, zitisiweeyo khwa nyaakha miiya nne na talaathiini, nyumani, khazinwahi ofuja osiilana na khulikha ehina fwayita ahiti ya Nluku.

Akaalata 3:17 Referans Kwoze

Mwanzo 15:13

Aphano Nnyizinku khumuuza yoori: “Ojuwe yoori ojama awo onttela osafirela nti wa malaponi, ottuukho onlawa warettiwe oviitthwaana na ohukhumwiwa nyaakha miiya nne.

2 Akorintiyu 1:20

Maana ahiti ziriivo zooshi za Nluku, ziri khwa Yinsa pi za “aaa”. Tiito khwa vakatthi vawe ye, ninlupa yoori “Amiina”, khwa siifwa ya Nluku.

Arooma 3:3

Enlikhisa-ni atthu akina wiiya oohaamineyi? Oohaamineyi waya onfuja waamineya wa Nluku?

Akoloosu 2:4

Miiyo kiniwuuzani epo yoori ahiiyevo antakhaaye wuuhatani na mattakhuzi olattanana oshapweya.

Akaalata 5:4

Mweeyo mwineekesaaye ohakikhiwa ti kano mwajaattuwanisa Al-Masiihu; mwakwamo nrehema.

Akaalata 3:15

Attwiizaku, kinttela orumeyela nthoonyezo mmote wa ohaayi wa wakhula siikhu. Amana atthu asiilana khwinkhelelana ahiiyevo hatha mmote antakhaaye okattha wala weekezelavo etthu.

1 Akorintiyu 1:17

Maana Al-Masiihu khakirumeeni yoori koose, ila yoori kitafusiri hapari zooshapweya, woohiiyi khwa mattakhuzi a akhili za onaatamu, yoori owahi wa nsalapa wa Al-Masiihu ohiiye wooveya.

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

Meepereewu 11:13

Ooshi aya apo afwa ari nkatthi wa amini, ahina pokhere etile ahitiweeyo; yo nawoona ori peetiwene, ottuukhule khufurahela. Yo khutukhuru yoori khweele nalelo aletto na anamasaafiri mmuti mphule.

Meepereewu 7:18

Oruma opule wa raku walaziwavo maana waari woottettheya na woohifwayi.

Ayeefezu 4:17

Na kiniwuuzani khwa nzina la Mbwana yoori: mwihiiye nkhama amalapo, maana wuupuwela waya khuna fwayita.

Akaalata 3:21

Niri talili eto enlupa yoori kano enuumanana ahiti ya Nluku? Hatha vattitthiiru! Maana eriwaka yeettiye wiiyavo kano eriina owahi wa winkha ohaayi, aphano ohakikhiwa wa ntthu waari weettela olankha nkatthi wa kano ethiito.

2 Akorintiyu 9:6

Muupuwele epo zaya: otule anzalaaye vattitthiiru, onuurula vattitthiiru, na otule anzalaaye yawaatta, onuurula yawaatta.

1 Akorintiyu 10:19

Nakataalikha, kilupe niini? Talili twaha ya winkhiwa sanamu ena fwayita? Ama sanamu ena fwayita?

1 Akorintiyu 7:29

Etthu kintakhaaye olupa ti yoori wakathi ori vattitthiiru. Waaza nasaapi mpakha ninttaawo, otule alooliyeeyo, eekhale nkhama ntthu woohilooli.

1 Akorintiyu 1:12

Khwa etthiipo, kintakha kilupe yoori akina a mweeyo anri: “Miiyo ki wa Paawulu”, “Miiyo ki wa Apoolu”, “Miiyo ki wa Pheeturu”, ama nalelo “Ki wa Al-Masiihu.”

Arooma 3:25

Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;

Khaazi 7:6

Nluku anttakhulaniye amuuzaka yoori: ‘ojama awe onttela osafirela nti wa malaponi, ottuukho onlawa warettiwe oviitthwaana na ohukhumwiwa nyaakha miiya nne.’

Mwanzo 17:19

Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na ye, na ojama awe ontaaye khwa mileele.

Mwanzo 15:18

Siikhu ethiitile, Nnyizinku khuretta wahati na Eburamu, khumuuza yoori: “Tuniya eti kinteela winkha ojama awo, waaza muuttho wa Misuri mpakha muuttho nwulu oniitthiwaaye Efwarati,

Akaalata 5:16

Ila kinlupa yoori mwiikhale nkatthi wa Rooho ya Nluku, toowo khamwinlawa otuvelisa tuvela zoonaatamu.

Ayeefezu 2:12

Muupuwele theenya yoori wakathi aya opule mwaattuwananiye Al-Masiihu, mwaari ophakuwanana khuntti ya meezirayiilu, mwaari ootaraweliwa ahiti ya osiilana, khamwaarina nroromelo wala Nluku muulumwenku.