Akaalata 3:13 - Hapari Zooshapweya

¹³ Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Akaalata 3:13 Referans Kwoze

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

Meepereewu 9:12

Khahiyo mwaasa wa taamu za puuzi zeelume wala aana a mompe eelume, ila khwa taamu yawe mweenyeweene yanfiisa puuro Ttakatthiifu ya Attakatthiifu, swaafu moote khwa zooshi, na taamu yawe napatthela nusura ya mileele.

Meepereewu 9:15

Tiito Al-Masiihu namasiilanisa woosiilana mpheya khwa apale akhuweliweeyo yoori apokherele eritho ahitiweeyo mileele, nkhama etthiipo ye afwiyeeyo ari nkhama swamiima ya koosa zirettikhaniyeeyo nkatthi woosiilana opule wamwanzo.

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

Matewuzhu 26:28

Eti taamu yaka ya wahati yiitthiweeyo khwa zwaamu ya atthu awaatta yoori eswaamiheliwe twampi.

Akaalata 4:5

yoori apatthe owaakaphula ooshi apale aari weettettelaaye kano, yoori niretteye wiiya aana a Nluku.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

Meepereewu 9:26

Eriwaka yaari etthiipo yaari ohithajiya Al-Masiihu ohoowa swaafu zawaatta thanku waaza wa olumwenku. Ila aphano, apuwa swaafu moote paasi khwa atthu ooshi mwiisho wa wakathi, yoori anilaze twampi zeetthu khwa otwahiwa mweenyeweene.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Akaalata 3:10

Maana ooshi apale antakhaaye ohakikhiwa khwa khaazi za kano apo ari nkatthi Woolanikha; maana yaatikhiwa yoori: “Alaanikha wooshi otule ahinlottiselaaye vitthu zooshi epile zaatikhiweeyo nkithaapu ya kano khusala alottela.”

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Khaazi 5:30

Nluku wa amarehemu apaapa zeetthu ansisimula Yinsa othuuto mwimuuliyeeyo khunkhomela vansalapa.

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Arooma 9:3

maana miiyo hatha kaari otakha opokhera laana na ovaluliwa khwa Al-Masiihu mwaasa wa pheta ya attwi a khapila yaka,

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Matewuzhu 27:5

Aphano Yuuda khweeselela nzurukhu omwimpari. Khusaruwa nawiisha khulawa khujiheya.