Akaalata 2:2 - Hapari Zooshapweya

² Kaalawiye, maana Nluku ti aakithoonyeziye yoori kaarina yooretta etthiipo. Vanthukumano wawiitthaala na attunkhulu, khuweeleza yo mattakhuzi a hapari zooshapweya kinlaleyaaye khwa amalapo, maana miiyo akaari otakha yoori khaazi kikholiyeeyo na khaazi kaari okholaaye ehiiye yoohiina fwayita.

Akaalata 2:2 Referans Kwoze

Akaalata 2:6

Ila apale anjoonaaye wiiya oojuwanikha, kinlupa toowo, miiyo khinikijali nanna yo ariizo, maana Nluku khanimphuka ntthu khwa wumpo awe, apo anjoonaaye khakuuzeeni yoori kiina ya weekezelavo etthu khwa hapari epi kintafusiraaye.

Afiliipu 2:16

mwiwaafiselaka nttakhuzi la ohaayi. Yoori siikhu antaavo Al-Masiihu kijikhutupule, mwaasa wa ohijanjeli mahala na wala ohijilipisi mahala.

1 Atizaloonika 3:5

Mwaasa wa ethiito, khuhivileli theenya, khunruma Timootiyu yoori alawe ajuwe monkoni wa amini mwiriinaaye. Maana miiyo kaari woova yoori namazayini ahuuzayinini, mpakha khaazi yeetthu yooshi eretteya ohiina fwayita.

Akaalata 2:9

Aphano Tiyaaku, Pheeturu na Yaahaya aakhupaliweeyo wiiya anamalokozela, ajuwiyeevo rehema enkhiweeyo ti Nluku, khookoleliwa nkhono nlume, miiyo na Baranabe nkhama alama ya osiilana. Khukhupalela yoori fweeyo ninttela okhola khaazi vakatthi wa amalapo na yo vakatthi wa apale ookhiriya.

1 Akorintiyu 9:26

Khwa etthiipo, akintthira nkhama ntthu antthiraaye woohiina shawuri, na wala akinuumana nkhama ntthu aniikaraaye pheevo.

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.

1 Akorintiyu 2:2

Maana kajilakelela ohijuwi hatha etthu vakatthi venu, woohiiyi Yinsa Al-Masiihu otu akhomeliweeyo.

Khaazi 15:12

Atthu ooshi eettiye onyamala khusala ansiileza Paawulu na Baranabe alupaka alama na minjuza zooshi aarettiyeezo Nluku khwa yo vakatthi wa amalapo.

Khaazi 15:4

Wakathi afiiyeevo Yeruzaleemu, khupwekhereliwa ti ojama wa Nluku, attunkhulu a ojama wa Nluku na maaswihaapa, khuwaathatelela vitthu zooshi Nluku awaaretteliyeezo yo.

Afiliipu 2:29

Kinuuvekelani yoori mwimpwekherele Epaforotiitu khwa Mbwana na furaha khuluyeene na mwiwaakhirimo atthu nkhama apo,

Akaalata 1:16

Wakathi atakhiyeevo onthonyeza Mwanawe khwa miiyo yoori kilaleye hapari zawe khwa amalapo, akimuuzeleeni hatha ntthu.

Khaazi 23:11

Osikhu wa phiiri Mbwana khumpuwelela Paawulu khumuuza yoori: “Ominyale, nkhama etthiipo waalaweliyeezo oshaahiti monkoni wa miiyo Yeruzaleemu, ona ya olawela theenya Rooma.”

Khaazi 18:9

Osikhu mmote Mbwana khumuuza Paawulu nkatthi wa jozi yoori: “Ohoove; orutele otafusiri na wala ohinyamale.

Khaazi 5:34

Ila vakatthi aphale wa Mashawuriiya khulankha mfwarizeewu mmote aari wiitthiwaaye Kamaliyeele njuwi wa kano wooshitahiwa pi atthu ooshi, khurumisa yoori asaruleliwe vaje aariivo maaswihaapa akina.

Matewuzhu 10:16

“Miiyo kinuurumani mweeyo nkhama pwittipwitthi vakatthi wa miiji, nakataalikha mwiiye alavilavi nkhama nyookha na oohiina zootakhala nkhama jiwa.

Khaazi 15:2

Paawulu na Baranabe khusala akheetisanana atthu apale mpakha khufiyelela onyakulisana. Khwa etthiipo khuthawuliwa Paawulu na Baranabe na atthu akina, yoori alawe Yeruzaleemu amanyamanye mattakhuzi aya apale na maaswihaapa na attunkhulu a ojama wa Nluku.

Arooma 9:16

Nakataalikha, epo khinrettiwa khwa tuvela ama kuvu za onaatamu, ila khwa tthakaraka ya Nluku.

2 Akorintiyu 12:1

Enhithajiya miiyo ojishashawula khwa epo zaya. Hatha nkhama kintta ohipattheli etthu, kinteela olupa monkoni wa jozi na othoonyeza wa Mbwana.

Akaalata 1:6

Kashanka mwaasa wa owoonani nasaapiru omwanswi otule ookhuweliyeenini khwa rehema ya Al-Masiihu, khweettela mwentto wa hapari kiina.

Akaalata 1:12

Maana miiyo akipokhereleeni khwa mmakhono wa anaatamu wala akinozeliweeni ti hatha ntthu, ila Yinsa Al-Masiihu ti akithoonyeziyeeyo.

Akaalata 5:7

Mweeyo mwaari weettetta saana. Khi paani olikhisiyeenini orutela oshututela haakhi?

2 Timootiyu 4:7

Koomana viittha yooshapweya, kamarisa otthira waka, kathokorela amini.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.