Akaalata 1:16 - Hapari Zooshapweya

¹⁶ Wakathi atakhiyeevo onthonyeza Mwanawe khwa miiyo yoori kilaleye hapari zawe khwa amalapo, akimuuzeleeni hatha ntthu.

Akaalata 1:16 Referans Kwoze

Matewuzhu 16:17

Yinsa khujipu yoori: “Wooshapweyiwa ti weeyo, Simawu mwaana wa Yoona! Maana vitthu zaya epi khuthoonyeziweeni ti pinaatamu, ila ti Paapa ariiye pinkuuni.

Ayeefezu 6:12

Maana viittha yeetthu fweeyo khahi khwa atthu, ila ninuumanana owahi na ofwalume, ninuumanana owahi onshinttaaye olumwenku wa yiiza na kuvu za rooho zootakhala khwa puuro za pinkuuni.

Ayeefezu 3:1

Mwaasa wa ethiito, kininvekela Nluku miiyo Paawulu, kimpattikhanaaye kiri napherezu khwa Al-Masiihu yoori mweeyo mwiiyiye amalapo mwiiye saana,

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Arooma 11:13

Kiniwuuzani mweeyo, amalapo. Maana miiyo ki aswihaapa wa amalapo, kinwulisa khaazi yaka,

Khaazi 22:21

Attaaphale Mbwana khukuuza yoori: ‘Olawe, miiyo kinuuperekha peetiwene vakatthi wa amalapo.’ ”

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

Matewuzhu 26:41

Mwijeekesele na mwilompe yoori mwihikwele muuzayiniwa. Rooho ti yookhomaala ila mwiili pi woottettheya.”

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

2 Timootiyu 1:11

Khwa hapari etthiipo miiyo karettiwa wiiya namatafusiri, aswihaapa na namanozela.

1 Timootiyu 2:7

Akintta ohata kinlupa khweele, keetta othawuliwa yoori kiiye namalaleya, kiiye aswihaapa na kiiye namanozela wa mattakhuzi apa a amini na a haakhi, khwa khapila zooshi.

1 Atizaloonika 2:16

ajilipisaka yoori anikhattaze owooza amalapo, yoori apo aya oosurukhe. Khwa nanna ethiito, anvira ookelaka twampi zaya na tiito katapu ya Nluku yawaakhwela haaswahaaswa yo.

Akaalata 2:1

Paata ya ovira nyaakha khumi na mine khurutela Yeruzaleemu na Baranabe kinthuuliye Tiitu.

2 Akorintiyu 5:16

Khwa etthiipo, waaza nasaapi mpakha ninttaawo, khaavo theenya ninintthanttaaye na shawuri za onaatamu, na hatha raku Al-Masiihu nanjuwa khwa nanna ethiito, ila nasaapi eti khanininjuwa toowo.

1 Akorintiyu 15:50

Attwiizaku, miiyo kiniwuuzani mweeyo yoori mwiili na taamu khinwahi orithi ofwalume wa Nluku na etile enfwaaye khinrithi etile ehinfwaaye.

Khaazi 5:42

Khuhilikhi osomisa na olaleya hapari zooshapweya Nnyupa Woosifwiwamo na nyuupa khwa nyuupa siikhu zooshi, alupaka yoori Yinsa ti Al-Masiihu.

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,