Afiliipu 3:14 - Hapari Zooshapweya

¹⁴ kiniikarisa epile kintthomaazo, yoori kipatthe tthuvo ya okhuweliwa wa pinkuuni wa Nluku khwa Al-Masiihu Yinsa.

Afiliipu 3:14 Referans Kwoze

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

2 Pheeturu 1:3

Owahi wawe onlankhaaye pinkuuni onninkha wakhula etile ninhithajiyaaye yoori niiyane meekhazi a emaani vakatthi wa ojuwa wooshi wa otule anikhuweliyeeyo, khwa siifwa yawe mweenyewe na okemaani.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

Meepereewu 6:1

Nakataalikha, nilikhe masomi apale amwanzo monkoni wa Al-Masiihu na neettele okhomaala, woohiruteli opheya nchina la othupwiya khwa khaazi ennilokozaaye muufwa, na theenya niiya ya omwaamini Nluku.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Luuka 16:16

“Kano na manapiyu khazilikheleleeni mpakha wakathi wa Yaahaya. Waaza wakathi otthuupo hapari za Ofwalume wa Nluku zinvira zilaleyiwaka, wakhula ntthu onjilipisa yoori eettemo.

Arooma 11:29

Maana tthuvo na okhuweliwa wa Nluku khunnyakanyeya.

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.