Afiliipu 3:12 - Hapari Zooshapweya

¹² Akintakha olupa yoori zooshi epo kapattha ama wiiyana okhamilikha, ila kintta wiikarisa yoori kipatthe tthuvo, maana khwa etthiipo theenya khapatthiwa ti Al-Masiihu Yinsa.

Afiliipu 3:12 Referans Kwoze

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Ayeefezu 1:4

Olumwenku ohinompiwe, Nluku anithawula rakuzeene khwa Yinsa yoori niiye attakatthiifu na niiye atthu oohiina paathuli mmakhono mwawe.

Afiliipu 3:16

Niikhale paasi khwa epile nipatthiyeeyo.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

Tiyaaku 3:2

Maana fooshi ninkwakwanttuwa khwa nanna zene. Nkhama ntthu khankwakwanttuwa muuttakhula, ntthu aya oto khaamili, na onwahi oshintta mwiili awe wooshi.

Meepereewu 12:14

Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.

Akaalata 5:17

Maana epile entakhaaye onaatamu enuumanana etile entakhaaye Rooho Ttakatthiifu. Na etile entakhaaye Rooho Ttakatthiifu enuumanana etile entakhaaye onaatamu. Epo zintta wuumana moote na nzaaya, tiito mwihirette etile mwintakhaaye.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

2 Atizaloonika 2:13

Ila fweeyo nina ya onshukhurwela Nluku wakhula wakathi khwa mweeyo attwiizetthu, aphetani a Mbwana, maana thanku omwanzo Nluku oothawulani yoori mwiiye awuusurukha, khwa khaazi za ottakatthisa wa Rooho na amini mwiriinaaye khwa haakhi.

Ayeefezu 4:12

awaattalelelaka attakatthiifu khaazi ya Mbwana, yoori mwiili wa Al-Masiihu ojekeye.

2 Akorintiyu 13:9

Niniiya woofurahi wakhula wakathi nintteettheyaavo na mweeyo mwiniiya wookhomaala na lompa zeetthu pi za yoori mweeyo mwiiye oohakikhiwa.

1 Akorintiyu 13:10

Ila, amana eta etile yiiyiyeeyo khaamili, etile yohiiyi khaamili entta waashikha.

1 Atizaloonika 5:15

Mwiiyane phoole yoori ahiiyevo anriphaaye yootakhala khwa yootakhala, ila mwiiye akemaani mileele mmote na nzeenu na khwa atthu ooshi.

1 Timootiyu 6:19

Khwa nanna ethiito antta wiiyana okhu ninttaawo akhipa yookhomaala, yoori apatthe ohaayi wa ookhweele.

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Arooma 8:39

wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.

1 Akorintiyu 13:12

Maana, nasaapi ninoona ratarato yoozizeya, nkhama yiloolo; ila ninteela omoona wuuso khwa wuuso. Nasaapi ojuwa waka khayi khaamili; ila, kinteela onjuwa sawasawa, nkhama etthiipo na miiyo kinjuwiwaazo sawasawa.

Afiliipu 1:1

Miiyo Paawulu na Timootiyu, akarumeya a Al-Masiihu Yinsa, niniwaatikhela attakatthiifu ooshi a Yinsa Al-Masiihu aniikhalaaye sitati ya Filiipu, attunkhulu awulu a ojama wa Nluku na anamarumeya a ojama wa Nluku.

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Afiliipu 3:8

Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu