Afiliipu 3:10 - Hapari Zooshapweya

¹⁰ Kintakha onjuwa Al-Masiihu, owahi woosisimuwa wawe. Na kintakha oretta phantte nkatthi wa ohoowa wawe na kijirette wiiya nkhama ye ofwa wawe,

Afiliipu 3:10 Referans Kwoze

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Afiliipu 3:8

Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu

1 Yaahaya 2:3

Onjuwa weetthu Yinsa onjuweya amana nishututela oruma wawe.

Akoloosu 3:1

Nakataalikha, nkhama etthiipo mweeyo mwisisimuwiyeeyo khwa Al-Masiihu, mweekese vitthu ziiyiye za otulu, ottuukho eekhaliyeeyo Al-Masiihu nkhono nlume wa Nluku.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

2 Akorintiyu 1:5

Maana, nkhama etthiipo ninrettaaye phantte ya ohoowa wa Al-Masiihu, theenya ozurwiwa weetthu onta khwa vakatthi wa Al-Masiihu.

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

1 Yaahaya 2:5

Ila ntthu anshututelaaye mattakhuzi awe, oto khweele pheta ya Nluku yankamilikhela vakatthi vawe. Khwa ethiito, ninjuwa yoori niri khwa ye:

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

Othoonyeziwa 1:18

Ki otule ari haayi. Kaafwiye, ila apha kiri haayi khwa mileele! Na kinaaye efukulo ya ofwa na ya Ahera.

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

Ayeefezu 4:13

Mpakha fooshi nifiyelele okusanyeya wa amini na onjuwa saaneene Mwaana wa Nluku, yoori niwahi okhomaala nifiyelelaka okhamilikha khwa Al-Masiihu.

2 Akorintiyu 1:10

Ye anitaphula na onrutela onitaphula khwa ajali ya ofwa, othuuto nanpwehela nroromelo eetthu yoori onvira anitaphulaka.

Yaahaya 10:18

Khina anikinyakanyaaye, ila miiyo kininkha khwa matakhelo aka ooshi. Kinaaye ruhusa ya winkha na othuula. Oruma opo kapokhera wa Paapa.”

Matewuzhu 20:23

Aphano Yinsa khuri: “Weekhweele mweeyo mwinteela onywela jiikira yaka, ila wiikhala nkhono nlume aka ama nkhono nkha khahiyo miiyo kinlupaaye. Maana puuro eto ti yawe otule atthenkezeliweeyo ti Paapa.”

Arooma 8:36

Nkhama yaatikhiweezo yoori: “Mwaasa wa wuupheta weeyo, wakhula siikhu nineekesela ofwa, narettiwa nkhama pwittipwitthi enttelaaye oshijiwa.”

Akaalata 6:17

Woohiivo etthu kiina, ahiiyevo antakhaaye okiwuti, maana kintana mmwiili mwaka alama za Yinsa.

2 Pheeturu 1:13

Kinoona wiiya yootafikhana amana kiiya haayi olansela fwahamu zenu mweeyo khwa vitthu zaya epo.