Afiliipu 2:11 - Hapari Zooshapweya

¹¹ Na malimi ooshi atukhuru yoori Yinsa Al-Masiihu ti Mbwana, khwa siifwa ya Nluku Paapa.

Afiliipu 2:11 Referans Kwoze

1 Yaahaya 4:15

Wakhula otule antukhurwaaye yoori Yinsa Mwaana wa Nluku, Nluku onlipa khwa ntthu aya oto, na oto onlipa khwa Nluku.

Arooma 14:11

“Maana yaatikhiwa yoori: “Kinlapha kimweenyewe,” alupaka Mbwana, “omaasho waka makutha ooshi anteela okokhora, na malimi ooshi anteela ontukhuru yoori ki Nluku.”

Yaahaya 13:13

Mweeyo mwikiitthaka miiyo mwinri ‘Mwaaliimu’ na ‘Mbwana,’ mwina shariya, miiyo ki othuuto.

1 Yaahaya 4:2

Mwinteela ojuwa Rooho ya Nluku khwa etthiipo: wakhula rooho entukhurwaaye yoori Yinsa ata nkhama pinaatamu, oto ti wa Nluku,

Arooma 14:9

Tiito Al-Masiihu afwiiyeeyo na khusisimuwa yoori eeye Mbwana wa apale afwiiyeeyo na apale ari haayi.

1 Akorintiyu 12:3

Tiito, miiyo kinlupa yoori khaavo anttakhulaaye khwa Rooho ya Nluku anlupaaye yoori: “Yinsa eeye Woolanikha!” Na khaavo anlupaaye yoori: “Yinsa ti Mbwana,” woohiina Rooho Ttakatthiifu.

Yaahaya 14:13

Na zooshi mwinttelaaye oveka khwa nzina laka, miiyo kinretta, yoori Paapa attitthimisiwe khwa mwanawe.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

Othoonyeziwa 3:5

Otule anshinttaaye onttela owala kuwo zoolakala nkhama apale, na akinteela ofuja nzina lawe nkithaapu ya ohaayi, ila kinteela otukhuru nzina lawe omaasho wa Paapa na malayikha awe.

Matewuzhu 10:32

“Wakhula otule antukhurwaaye vakatthi wa atthu yoori tu waka, na miiyo kintukhuru khwa ye, vakatthi wa Paapa ariiye Pinkuuni.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Khaazi 2:36

“Nakataalikha, atthu ooshi a Ezirayiilu ana yoojuwa yoori: Yinsa, othuuto mweeyo mwankhomeliyeeyo, Nluku amwinkha wiiya Mbwana na wiiya Al-Masiihu.”

Yaahaya 9:22

Apapaze aajipwiye toowo mwaasa wa owoova mayaahuuti; maana eettiye olupa yoori otule anttelaaye olupa yoori Yinsa ti Al-Masiihu, ontta wiikariwa nsinakooka.

Yaahaya 5:23

yoori ooshi anshitahi Mwaana nkhama aninshitahaazo Paapa. Otule ahininshitahaaye Mwaana khaninshitahi Paapa otule anrumiyeeyo.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

1 Akorintiyu 15:47

Pinaatamu wamwanzo aari wa ottophe wa vathi; pinaatamu wa phiiri ari wa pinkuuni.

Arooma 15:9

yoori amalapo anttitthimise Nluku khwa tthakaraka yawe, nkhama etthiipo yaatikhiweezo yoori: “Tiito miiyo kinuusifu vakatthi wa amalapo; kiniipela siifwa nzina lawo.”

Yaahaya 20:28

Tome khujipu araka: “Mbwana aka na Nluku aka!”

Yaahaya 17:1

Paata ya Yinsa wiisha ottakhula, khweekesa otulu khulompa araka: “Paapa, wafiya wakathi Wonttitthimisa mwanawo, yoori naye mwanawo oosifu.

Yaahaya 12:42

Nakataalikha, attunkhulu awaatta a mayaahuuti khunkhupali Yinsa. Ila mwaasa wa mafwarizeewu, khuhisala atukhuru amini yaya, na woova wiikariwa nsinakooka.

Luuka 2:11

Leelo ethiiti, sitati ya Daawuuda avokoliwa Namuusuru eeyiye Al-Masiihu, Mbwana!

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

Yaahaya 13:14

Aayo, pi etthiipo miiyo kiiyiye Mbwana na Mwaaliimu enu, kawoosani moolu, na mweeyo theenya mwina ya woosaana moolu mmote na nzaawe.