Afiliipu 1:11 - Hapari Zooshapweya

¹¹ Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

Afiliipu 1:11 Referans Kwoze

Meepereewu 12:11

Wakhula olikhisiwa khiniiyavo furaha ila huzuni; mwiisho waya, entana furaha na heeri khwa apale enkhiweeyo weettettisa shariya.

Yaahaya 15:8

Paapa onsifwiwa mwaasa wa mweeyo wiima mishumo zawaatta, etthiipo enthoonyeza yoori mweeyo mwa anakhiyoni aka.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Afiliipu 4:17

Khahiyo yoori miiyo kineekesa winkhiwa zaakha, ila kintakha woona fwayita yeettaka weekezeleya khwa phantte yenu mweeyo.

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

2 Atizaloonika 1:12

Etthiipo nzina la Mbwana eetthu Yinsa linteela ottitthimisiwa khwa mweeyo, na mweeyo khwa ye, khwa rehema ya Nluku eetthu na ya Mbwana Yinsa Al-Masiihu.

Ayeefezu 5:9

Maana mishumo za nnuuru zintana okemaani, shariya na haakhi.

Ayeefezu 1:14

Ethiito ti yiiyiyeeyo nroromelo wa erathi yeetthu mpakha wookhowa sawasawa wa apale eeyiyeeyo a Nluku, khwa siifwa ya nuuru yawe.

1 Akorintiyu 10:31

Etthiipo, hatha nkhama mweetta oja, mweetta onywa, ama oretta wakhula etthu, mwirette zooshi khwa siifwa ya Nluku.

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Ayeefezu 1:12

yoori fweeyo amwanzo onwejela Al-Masiihu niiye a siifwa ya nuuru yawe.

2 Akorintiyu 9:10

Otule aniwinkhaaye peewu apale anzalaaye na etthu yoojiwa, theenya oneekezela peewu ya khaazi zenu zooshapweya na onteela owulisa mishumo za shariya yenu.

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Yaahaya 15:2

Wakhula erapi etile eriiye khwa miiyo khuhisala yiima, ye ontta oshija; na wakhula etile eniimaaye ontta okasurela yoori etepe wiima.

Zaapuura 1:3

Ye onuupuwa nkhama muutthi woozaliwa nshini wa muuttho: Onraaye amana ofiya wakathi wa wiima khuhivonyeli wiima na mathapa aya khannyaala. Na wakhula etthu anrettaaye eniiya yonlikanela.

Arooma 15:28

Etthiipo, paata ya omarisela khaazi eti na khwiiyana hakiikha yoori yo apwekherela mishumo epi, kinlawa Shipaanya na kinuuthotolani amana kiviraka.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.