2 Yaahaya 1:3 - Hapari Zooshapweya

³ Rehema, tthakaraka na heeri ya phantte ya Nluku Paapa na ya Yinsa Al-Masiihu, Mwanawe, enttela wiiya vamote na fweeyo khwa haakhi na pheta.

2 Yaahaya 1:3 Referans Kwoze

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

Arooma 1:7

Kiniwaatikhela atthu ooshi ariiye Rooma eeyiyeeyo aphetani a Nluku na akhuweliweeyo yoori eeye attakatthiifu: Rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

1 Timootiyu 1:2

kiniwaatikhela weeyo Timootiyu, mwanaka weekhweele nkatthi wa tiini, rehema, tthakaraka na heeri ya phantte ya Nluku Paapa na ya Yinsa Al-Masiihu Mbwana eetthu, yiiye vamote na weeyo.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

2 Yaahaya 1:1

Miiyo, namarumeyela, kinimwaatikhela nunu woothawuliwa na aana awe, apale miiyo kiniwaaphetaaye weekhweelevo, khahiyo miiyo paasi, ila ooshi apale anjuwaaye haakhi,

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.