2 Timootiyu 4:1 - Hapari Zooshapweya

¹ Omaasho wa Nluku na wa Yinsa Al-Masiihu, anteelaaye owaaphuka atthu awoona na ananfwa, khwa ojithoonyeza wawe na ofwalume awe, miiyo kinuutumerela toono:

2 Timootiyu 4:1 Referans Kwoze

Khaazi 10:42

Ye ti anirumiyeeyo yoori niwaatafusirele atthu na nilawele oshaahiti, yoori othuuto Nluku amwinkha wiiya namaphuka wa apale ariiye haayi mpakha apale afwiiyeeyo.

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

1 Timootiyu 5:21

Miiyo kiniwuuza kuulipiselaka channu mmakhono wa Nluku na Yinsa Al-Masiihu na malayikha apale oothawaziwa, kuutumerelaka yoori mattakhuzi apa oshututele, ohiinanelaka wala ohinthawulaka hatha ntthu.

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

1 Pheeturu 5:4

Amana ata Nshuki Nwulu, mweeyo mwinteela opwekhera jarata ya siifwa ehinishaaye waara waya.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

1 Pheeturu 4:5

Khwa zooshi, yo anlawa anjipu otule ari thwayaari owaaphuka apale ariiye haayi na ananfwa.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

2 Atizaloonika 2:8

Aphano onttela othoonyeziwa ntakhali, othuuto Mbwana Yinsa anttelaaye omuula na pheevo ya nkhanyo mwawe na ontapanya khwa ojithoonyeza wa ota wawe.

Arooma 2:16

Zooshi epo zinttela wooneya siikhu Nluku amphukaavo siiri za anaatamu, khwa Yinsa Al-Masiihu, nkhama etthiipo enlupaazo hapari zaka zooshapweya.

Khaazi 17:31

Ye atthoma siikhu anttelaaye ophuka olumwenku na shariya, khwa ntthu mmote anthawuliyeeyo na athoonyeza vakatthi wa atthu khwa onsisimula muufwa.”

2 Pheeturu 1:11

toowo pi mwinttelaavo opwekherela ruhusa yooshi ya weetta muufwalume wa mileele wa Mbwana eetthu na Namuusuru Yinsa Al-Masiihu.

Luuka 23:42

Aphano khulupa yoori: “Yinsa, okuupuwele amana ofiya muufwalume mwawo.”

Luuka 19:15

“Noothawaziwa ofwalume khurutela owawe, khulawa khuwaakhuwela a karumeya awe apale aawenkhiyeeyo nzurukhu wa feeta yoori ajuwe fwayita apattheliyeeyo wakhula ntthu.

Luuka 19:12

“Mwinyi mmote wa ojama wootafikhana, aasaafiriye khulawa nti woolepawo yoori athawaziwe ofwalume nawiisha aruti.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

2 Pheeturu 1:17

Ye apwekhera, khwa phantte ya Papaawe Nluku, shitaha na siifwa ya pinkuuni, khusiila huula ya ottitthima nwulweene eraka: “Otu Mwanaka wompheta, na wookituvela channu!”

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

2 Timootiyu 1:10

Ethiito ethoonyeziweeyo enasaapi eti khwa ojisarulela wa Namuusuru eetthu, Al-Masiihu Yinsa. Ye ashintta owahi wa ofwa na khutiisa nuuru, ohaayi na ohifwi khwa hapari zooshapweya.

2 Timootiyu 4:18

Mbwana onikitaphula khwa khaazi zooshi zootakhala na onikithuula kiri woolipalipa muufwalume mwawe pinkuuni. Attitthimisiwe ye khwa mileele! Amiina!