2 Timootiyu 3:2 - Hapari Zooshapweya

² Atthu anttela wiiya amiiko, ookhwiririwa, oojittottopa, oojikhupali, ookufuru, owaakhijilela apaapa zaya, oohishukhuru na makaafiri,

2 Timootiyu 3:2 Referans Kwoze

Afiliipu 2:21

maana atthu ooshi anshikha epile ziiyiye zaya, khanshikha epile ziiyiyeeyo za Yinsa Al-Masiihu.

Yuuda 1:16

Atthu aya apo aniikhala ajilizaka, anamwiphiiriwa na nasipu yaya, anlottela tuvela zaya zoohifwayi, oojikhupali, aniwaattettekha azaaya khwa tuvela zaya.

2 Timootiyu 3:4

anamazinkula, avaranka, ojoona, oopheta vitthu ziniwaatuvelaazo zayita Nluku,

1 Timootiyu 6:10

Weekhweele pheta ya nzurukhu nchina la vitthu zooshi zootakhala. Mwaasa wa omaashokopho na nzurukhu, atthu akina alikha epaata yaya khusala ajihoowisa venkivene.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

Tiyaaku 4:6

Ila Ye oninkha rehema yawe yooziti. Tiito zawaatikhiwa zinlupaaye yoori: Nluku khantuveliwa pi apale oojikhupali, ila oniwenkha rehema apale oojipushuwisa.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.

1 Timootiyu 6:4

ntthu aya oto tu woojikhupali na woohijuwi hatha etthu. Onaaye olwele wontuvela onyakulisana na okheetisana nkatthi wa mattakhuzi antisaaye nrima, wuumani, mattukhano, waakanyerelana vitthu zootakhala,

Luuka 12:15

Aphano khuwooza yoori: “Phoole na omaashokopho wa vitthu, mwaasa yoori ohaayi wa pinaatamu khunlipisiwa pi vitthu epile ampatthaazo.”

Othoonyeziwa 16:11

Ankufurwelaka Nluku wa pinkuuni, mwaasa wa olwaaza na makhwatta ariina; khwa zooshi, khukhijili othupwiya khwa zooretta zaya aakholiyeeyo.

2 Pheeturu 2:12

Ila atthu aya apo anlattanana nyama zohuupuweli zinikhalaaye yoori zikholiwe na zuuliwe. Anttakhula wootakhalavo khwa epile ehiniweeleyaaye. Anttela otapanyiwa nkhama nyama.

2 Pheeturu 2:3

Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

Tiyaaku 4:16

Ila mweeyo mwinjitayiti na ojittottopa. Wakhula ojitayiti nkhama opo pi wootakhala.

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

Arooma 11:18

Ohijikhutupulane virapi zaya epo. Amana oretta, ojuwe yoori khahiyo weeyo onshokholelaaye mitathaari, ila mitathaari khwa weeyo.

Othoonyeziwa 16:21

Khuwaakwela anaatamu mawe mawulu mawulu a vuula awaatta aari olankhaaye pinkuuni, wakhula liwe laari olemela miphimo talaathiini na thaanu; anaatamu khwaaza onkufurwela Nluku mwaasa wa mawe apale, maana pala zaya epile zaari za woopisa channu.

Tiyaaku 2:8

Ila amana mwishututela kano za ofwalume nkhama enlupaazo zawaatikhiwa yoori: “Omphete nzaawo nkhama etthiipo onjiphetaazo omweenyewe”, orettaru etthiipo walikanisa.

1 Timootiyu 3:3

Ahiiye ntthu woohapaliwa ama woohusuti, eeye ntthu wookemaani na wa heeri. Ahiiye ntthu wontuvela nzurukhu.

1 Timootiyu 1:20

Akina aya ti Hemeeni na Alishantere. Yo kawaalikhela epiliisi yoori awaahoowise, ajuwe ohikufuru.

Khaazi 5:36

Maana, ehinafiye siikhu epi, aapuwiye mwinyi mmote aari wiitthiwaaye Teewuda, aari ojoonaaye wiiya nwali; othuuto alawiye khuwaakusanya atthu miiya nne. Ila yaya khuuliiwa na ooshi apale aari onsilezaaye khwiiya oomwazeya na woohishintti hatha etthu.

Luuka 16:14

Mafwarizeewu apale oopheta nzurukhu nakuvu, noosiila mattakhuzi apale, khusala antheya Yinsa antarawaka.

Othoonyeziwa 16:9

Apa khwiiya oolukuziwa ti haari yookhomaala na khulaani nzina la Nluku, ntthile liriina oshintta pala zaya epo; khwa zooshi epo khukhijili othupwiya na onttitthimisa.

Othoonyeziwa 13:1

Koona nyama yawoopisa elankhaka mpahari, eriina manyaka khumi na viishwa sapa na jarata khumi zishawiye manyaka aya, na wakhula eeshwa eriina nzina la kufuru.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

Matewuzhu 15:6

ye khankhanyareliwa theenya onshitahi papaawe khwa nanna nkhama eto.’ Khwa etthiipo, mwaasa wa zowera zenu, mweeyo mwimpeepheyisa nttakhuzi la Nluku.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

1 Timootiyu 1:9

Nijuwaka etthiipo yoori kano khazaawaateeliye atthu apale aneettettelaaye shariya, ila zaawaateeliye apale ohiiyi a shariya na anamakhijili, zaawaateeliye makaafiri na anatwampi, zaawaateeliye anamatakhala rooho na anamakufuru, zaawaateeliye apale aniwoolaaye apapazaya na amamazaya, zaawaateeliye apale aniwoolaaye azaaya,

2 Pheeturu 2:10

haaswa haaswa apale anlottelaaye vitthu zoohifwayi za onaatamu na otarawu ofwalume. Anamanozela aya apo pi oohisuluheyi, oojikhupali, yo khanoova otarawu zumpe za pinkuuni.