2 Timootiyu 2:24 - Hapari Zooshapweya

²⁴ Karumeya wa Mbwana khana ya wuumana, ila wiiya ntthu woosilaneya khwa atthu ooshi, wookhitiri osomisa na woovilela.

2 Timootiyu 2:24 Referans Kwoze

Tiitu 3:2

ahinttakhule ntthu wootakhalavo, eeye oonyamala, oopheta, okemaani na asala athoonyeza ojipushuwisa khwa anaatamu ooshi.

Tiitu 1:7

Mwaasa wa wiiya namapweheliwa wa khaazi ya Nluku, nttunkhulu nwulu wa ojama wa Nluku ona ya wiiya ntthu woohiina paathuli, woohijikhupali, woohiwalaali, woohihapaliwi, woohihusuti, wala wontuvela fwayita yohiiyi ya shariya.

1 Atizaloonika 2:7

Neeyiyeru pure maaswihaapa a Al-Masiihu naarina ruhusa ya olemela, khwiiya akemaani wakathi naari vakatthi venu mweeyo, nkhama maama aniwiinanelaaye aana awe.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

Akoloosu 3:13

Mwivilelane mmote na nzeenu, mwiswaamihane mmote na nzeenu amana ntthu eeyana nlattu na nzaawe. Nkhama etthiipo Mbwana oswaamihiyeeni, etthiipo theenya mwiswaamihane.

Afiliipu 2:14

Mwirette zooshi woohijilizi wala onyakulisana,

Afiliipu 2:3

Mwihirette etthu khwa otakha weenu ama ojikhupali, ila woojipushuwisavo owoona akina aya wiiya awuuzitini mweeyo.

Ayeefezu 4:2

Mwiiye oojipushuwisa, ookemaani, oovilela, mwihurumiyanaka mmote na nzeenu na oophetana.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

Tiitu 1:9

na ona ya okholelela wookhomaalavo nttakhuzi la waamineya, khwa nanna asomisiweeyo, yoori eeyane makhaamu a owaalipisela azuwakhe khwa mwentto wooshapweya na owaakheeti apale anshinttananaaye.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

Khaazi 7:26

Siikhu ya phiiri, Munsa khulawa vahali aari wumanaavo meezirayiilu awiri, khusala atakha yoori awaakise araka: ‘Alume, mweeyo mwa attwi; khi mwinuumanela ni?’

Matewuzhu 12:19

Khanteela okheetisana wala onyakula, khina anttelaaye osiila huula yawe mmatarikhi.

Tiyaaku 4:2

Mwinlaza omaashokopho khwa vitthu na khamwiniiyana hatha etthu, mwinuulaana, na mwinthuulelana nrima ila khamwimpattha hatha etthu mwintakhaaye, meekhazi enu pi aviittha na onyakulisana. Khamwina, maana khamwinveka.

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.

Khaazi 23:9

Attaaphale khupuwa nzuuzu liwululene, anamanozela a kano apale aari mafwarizeewu khulankha khwaaza onyakulisana saaneene alupaka yoori: “Fweeyo khanimoonaneeni hatha etthu yoovonyeya ntthu otu. Paani ajuwiyeeyo nkhama Rooho Ttakatthiifu ama nlayikha leetta onttakhulana?”

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

2 Akorintiyu 10:4

Zaana ninrumeyelaaye nuumanaka khahiyo za onaatamu, olikha toowo, pi za owahi khwa Nluku yoori epwechele korofwa zoolipalipa.

Khaazi 15:2

Paawulu na Baranabe khusala akheetisanana atthu apale mpakha khufiyelela onyakulisana. Khwa etthiipo khuthawuliwa Paawulu na Baranabe na atthu akina, yoori alawe Yeruzaleemu amanyamanye mattakhuzi aya apale na maaswihaapa na attunkhulu a ojama wa Nluku.

Yaahaya 6:52

Aphano mayaahuuti khwaaza onyakulisana atthaaporu araka: “Mwinyi otu onttela oninkha toovi mwiili awe yoori nirafune?”

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,