2 Timootiyu 2:21 - Hapari Zooshapweya

²¹ Amana ntthu ajitwaharesha khwa vitthu zaya epo, oniiya yoopo ya shitaha yoottakasiwa, ya maana khwa Mbwana na yootthenkeziwa khwa khaazi zooshi zooshapweya.

2 Timootiyu 2:21 Referans Kwoze

2 Timootiyu 3:17

yoori ntthu wa Nluku eeye khaamili na woolikana khwa khaazi zooshi zooshapweya.

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.

2 Timootiyu 2:20

Nyuupa khuluyeene eniiyamo zoopo, ila khahiyo paasi za weero na feeta, ila theenya za thaapwa na za mattophe; kiina za shitaha kiina zohiiyi za shitaha.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

1 Akorintiyu 5:7

Mwiphakuwanane fwaramento ya raku, yoori mwikhattiwe opheya woohiina fwaramento, nkhama wekhweele mwiriizo. Maana Al-Masiihu, Pwittipwitthi yeetthu ya Paashikowa, ya twahiwa.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

Tiitu 3:1

Owaakupusele attwi ooshi yoori ana ya owaashututela apale alokozeliyeeyo na afwalume, eeye anamashututi oolikana, anamaretta zooshapweya wakhula wakathi,

2 Akorintiyu 9:8

Na Nluku ti wa owahi khwa oretta yoori rehema yooshi mweekezeliwe, yoori khwa vitthu zooshi na wakathi wooshi, wiiyana zooshi enihithajiyaaye, yoori mwirette wakhula nanna ya khaazi yooshapweya.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

2 Timootiyu 2:16

Owerawere nyaasa zoohiina fwayita na zohankawaani, maana apale anrettaaye epo zaya anjeettana tarikhi ya okaafiri.

2 Timootiyu 4:11

Luuka paasi ti kiriinaaye. Otaaka ontane Maaruku, maana ona fwayita khwa miiyo nkatthi wa khaazi eti.