2 Timootiyu 2:15 - Hapari Zooshapweya

¹⁵ Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

2 Timootiyu 2:15 Referans Kwoze

1 Atizaloonika 2:4

olikha toowo, nkhama atthu ookhupaliwa ti Nluku, mpakha khuninkha olaleya hapari zooshapweya, khaninttakhula yoori niwaatuvelise atthu, ila Nluku, aninzaanaaye rooho zeetthu.

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

2 Akorintiyu 10:18

Maana khankhupaliwa otule anjikhupalaaye, ila otule ankhupaliwaaye ti Mbwana.

2 Akorintiyu 5:9

Tiito, ninaaye niiya ya otakha ontuvelisa, hatha nkhama na mwiili opu, hatha nkhama neetta olikha.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

Akaalata 1:10

Nasaapi eti miiyo kineekesa okhupaliwa ti anaatamu ama ti Nluku? Eriwaka kaari weekesa owaatuvelisa anaatamu, akaari wiiya karumeya wa Al-Masiihu.

2 Pheeturu 1:15

Miiyo kinteela ojilipisa saaneene, yoori theenya amana kifwa, mweeyo mwiiyane makhaamu a wuupuwela vitthu zaya epi zooshi.

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

1 Atizaloonika 5:14

Ninuutumerelani mweeyo attwiizetthu, yoori mwiwaahirimize anamaviliwa, mwiwaalipisele apale ooshokhera, na mwiwaawuni apale ootteettheya, mwiwaavilele atthu ooshi.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

Meepereewu 4:11

Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

Khaazi 2:22

“Mweeyo, atthu a Ezirayiilu, mwisiileze mattakhuzi apa: Yinsa wa Nazareeti, ahakikhiwa ti Nluku vakatthi venu mweeyo khwa alama zawaatta na minjuza, etthiipo Nluku mweenyeweene arettiyeezo khwa ye vakatthi venu mweeyo nkhama etthiipo mwinjuwaazo.

Khaazi 20:27

Maana miiyo akilikheleleeni oweelezani niiya ya Nluku yooshi.

Matewuzhu 13:52

Ye khuwooza yoori: “Tiito wakhula namanozela a kano anozeliweeyo monkoni wa ofwalume wa pinkuuni onlattanana mweenyewe nyuupa anlazaavo va njuju vawe vitthu pheeya na vitthu zaraku.”

Arooma 16:10

Salamu Apeleeshi, woohakikhiwa khwa Al-Masiihu. Salamu atthu a owawe Arishitopoolu.

Luuka 12:42

Mbwana khujipu araka: “Ti paani eeyiyeeyo nsatoro wa waamineya na wa akhili, Mbwana awe amwinkhiyeeyo owaalokozela akarumeya azaawe na owenkha etthu yoojiwa amana ofiya wakathi?

Maaruku 4:33

Khwa milikaniso zooshi zoolattana, Yinsa aari owooza monkoni wa nttakhuzi, nanna aari owahaaye oweeleya.

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.