2 Timootiyu 1:9 - Hapari Zooshapweya

⁹ Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

2 Timootiyu 1:9 Referans Kwoze

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Arooma 9:11

Yoori matakhelo a Nluku eeye nkhama othawula woohiishi woohiiyi khwa khaazi, ila khwa otule ankhuwaaye; nakataalikha, khapulathi amaphapo ahinavokoliwe ama ahinarette hatha etthu yooshapweya ama yootakhala,

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

Yaahaya 17:9

Miiyo kiniwaavekelela yo. Akiniwaavekelela atthu ooshi a voolumwenku, ila apale okinkhiyeeyo maana pi awo.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

1 Atizaloonika 4:7

Maana Nluku khanikhuweleeni yoori niiye oohifwayi, ila yoori niiye attakatthiifu.

1 Akorintiyu 1:18

Maana hapari za nsalapa ololo khwa apale anaashikhaaye, ila khwa fweeyo ninuusurukhaaye, owahi wa Nluku.

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

Ayeefezu 3:11

epi shawuri Nluku arettiyeeyo, khwa Yinsa Al-Masiihu Mbwana eetthu olumwenku ohinompiwe.

Arooma 3:20

Nakataalikha, khaavo anttelaaye ohakikhiwa omaasho wa Nluku khwa khaazi za kano. Maana khwa kano najuwa twampi.

1 Timootiyu 1:1

Miiyo Paawulu, aswihaapa wa Yinsa Al-Masiihu khwa oruma wa Nluku Namuusuru eetthu na wa Yinsa Al-Masiihu nroromelo eetthu,

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

Luuka 10:21

Wakathi otthuupule Yinsa khwiiya woofurahi khwa Rooho Ttakatthiifu, khuri: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi. Khweele Paapa, ti nanna waatakhiyeezo.

Matewuzhu 1:21

Ye onteela ompattha mwaana, weeyo ontthaje nzina la Yinsa, maana ye onteela owoosuru atthu awe khwa twampi zaya.”

Khaazi 2:47

ansifwaka Nluku na khusala apattha rehema mmakhono wa atthu ooshi. Apho Mbwana wakhula siikhu aari ovira aweekezelaka atthu a wuusurukha.

Khaazi 15:18

otule alaleyiyeeyo vitthu zaya epi thanku asulani.’

Arooma 11:14

kiroromelaka yoori koone nkhama khwa nanna kiina kintothela wiivu khapila yaka na owuusuru akina.

Arooma 11:29

Maana tthuvo na okhuweliwa wa Nluku khunnyakanyeya.

Afiliipu 3:14

kiniikarisa epile kintthomaazo, yoori kipatthe tthuvo ya okhuweliwa wa pinkuuni wa Nluku khwa Al-Masiihu Yinsa.

2 Timootiyu 1:1

Miiyo Paawulu, aswihaapa wa Yinsa Al-Masiihu khwa matakhelo a Nluku, khwa ahiti ya ohaayi oriiye wa Al-Masiihu Yinsa,